Taldyqorǧan qalasy äkımınıŋ orynbasary jüielık negızde para alǧany jäne biznestı qorǧaǧany üşın monitoringtık top müşelerınıŋ ūstalǧanynan keiın jūmystan bosatyldy

Almaty oblysy boiynşa Sybailas jemqorlyqqa qarsy qyzmetınıŋ tergeu basqarmasynyŋ ıs jürgızuınde "Taldyqorǧan qalasynyŋ käsıpkerlık bölımı" MM basşysy men bölımnıŋ bas mamanyna qatysty QR QK 366-babynyŋ 3-bölıgı 2, 4-tarmaqtary boiynşa para alu faktısı boiynşa qylmystyq ıs jatyr. Būǧan deiın habarlanǧandai, osy bölımnıŋ basşysy özınıŋ qaramaǧyndaǧy bas mamanmen söz bailasyp, "Covid – 19" koronavirustyq infeksiiamen küres boiynşa daǧdarysqa qarsy şaralar kezınde adamdar köp jinalatyn ıs-şaralardy ūiymdastyruǧa jäne ötkızuge tyiym salynǧanyna qaramastan, jüielık negızde qalanyŋ restoratorlarynan jäne olarǧa qatysty äkımşılık şaralar qabyldamaǧany üşın sauda ökılderınen 20 myŋnan 270 myŋ teŋgege deiın para alǧan. Sonymen qatar, joǧaryda atalǧan para somasyn bergen meiramhanalardyŋ 5 äkımşısı qylmystyq jauapkerşılıkke tartylmaq. Qylmystyq ıs aiasynda Almaty oblysy boiynşa sybailas jemqorlyqqa qarsy qyzmet basşylyǧy Taldyqorǧan qalasy äkımdıgınde qala äkımınıŋ qatysuymen keŋes ötkızdı. Onyŋ qorytyndysy boiynşa aldyn alu şaralardy qabyldau maqsatynda, sondai-aq osy baǧyttaǧy tiıstı baqylaudyŋ bolmaǧany üşın Taldyqorǧan qalasy äkımınıŋ orynbasary S. Arzanbekova jūmystan bosatyldy. Qylmystyq ıstı tergeu jūmystary jalǧasuda.