Bügın Atyrauda «Jasyl el» XVII eŋbek mausymynyŋ resmi aşyluy öttı.
Saltanatty aşylu räsımı Atyrau oblysy jastar saiasaty mäselelerı basqarmasynyŋ qoldauymen Jastar saiabaǧynda öttı. Şaraǧa Atyrau oblysy äkımınıŋ orynbasary Baqytgül Hamenova qatysyp, aimaq basşysy Mahambet Dosmūhambetovtyŋ atynan «Jasyl el» jastarynyŋ jūmysyna sättılık tıledı.
Biyl «Jasyl El» baǧdarlamasy boiynşa myŋnan astam jas atyraulyq jūmysqa ornalasady.
– «Jasyl el» eŋbek jasaqtarynyŋ jyl saiyn maŋyzy artyp, tanyla tüsude. 2005 jyly Elbasy N. Ä. Nazarbaevtyŋ bastamasymen qūrylǧan «Jasyl el» baǧdarlamasyna biyl 17 jyl tolyp otyr. Atyrau oblysynda soŋǧy 5 jylda 8 myŋnan astam jas jūmyspen qamtylsa, ötken jyly 1 myŋnan asa jas «Jasyl el» baǧdarlamasy boiynşa qyzmet etıp, näpaqasyn tapty. Būl joba – eŋ tabysty jäne auqymdy äleumettık jobalardyŋ bırı. Būl – jastarmen jūmys jasaudyŋ öte maŋyzdy qūraly. Olardyŋ öz Otanyna degen süiıspenşılıgın oiatyp, özderın tuǧan jerdıŋ iesı sezınuge jeteleidı. Taza eŋbekpen näpaqa tauyp, ata-anany quantudy da osy eŋbek jasaǧyndaǧy alǧaşqy eŋbekterı arqyly sezıne alady. Jūmystaryŋa sättılık tıleimın, – dedı Baqytgül Hamenova.
Biyl «Jasyl El» baǧdarlamasy boiynşa myŋnan astam jas atyraulyq jūmysqa ornalasady.
– Jaŋa mausymǧa tırkeu onlain-rejimde tamyz aiynyŋ soŋyna deiın jürgızıledı. Atap aitqanda, jeke kuälık, 20 taŋbaly «Kaspi Gold» nömırı, sondai-aq eger jūmysqa tūruşy 18 jasqa tolmaǧan bolsa, ata-anasynyŋ rūqsaty qajet bolady. Eŋbek etuşı jastardyŋ bärı qolǧaptarmen, betperdelermen qamtamasyz etıledı, qaşyqtyqty saqtai otyryp jūmys ısteitın bolady. Eŋbek jasaǧy sarbazdarynyŋ jalaqysy 65 myŋ teŋge bolady, – dedı oblystyq «Jasyl El» eŋbek jasaǧynyŋ jetekşısı Abylai Qūrmetūly.
