Mäskeude özbekstandyq migranttar men kavkazdyqtar arasynda jappai töbeles boldy. Töbeleske qatysuşylardyŋ üşeuı ūstaldy, olarǧa «Būzaqylyq» jäne «Qasaqana denege jaraqat salu» baptary boiynşa qylmystyq ıs qozǧaldy. Sondai -aq olardyŋ qaru qoldanǧany da tekserılu üstınde. Töbeles saldarynan bırneşe adam auyr jaraqat alyp, auruhanaǧa jetkızılgen.
Oqiǧa Pogranichnaia köşesınde bolǧan. Kuägerlerdıŋ aituyna qaraǧanda bastapqyda töbeles bolyp, artynşa atys bastalǧan. Tūrǧyndar polisiia şaqyrǧan soŋ, töbeleske qatysuşylar oqiǧa ornynan qaşyp ketken.
https://www.youtube.com/watch?v=NkrdJrkvpvw
Boljam boiynşa qarudy qaqtyǧysqan ekı jaq bırdei qoldanǧan. Readovka telegram kanaly oqiǧanyŋ keibır egjei-tegjeiın tarqatyp jazdy. Derek közınıŋ aituynşa, töbeles özbekter men şeşender arasynda bolǧan. «Būl töbeleske menıŋ tuystarym, menıŋ dostarym qatysty. Barlyǧy şeşenstandyq 3 jıgıtke 24 özbek pyşaq jäne soiylmen şabuyl jasaǧan kezde bastaldy. Osyny bılgen bızdıŋ basqa jıgıtter bırıgıp, būnyŋ kegın alu üşın bardy», - deidı äleumettık jelıde töbeleske qatysy bar taraptyŋ ökılı. Alaida migranttarǧa qysym körsetken degen de aqparattar bar. Soŋǧy uaqytta Mäskeude eŋbek migranttary arasynda atys-şabys, janjal jiılep ketken. "Būl bilıktıŋ ısı" deitın de jandar sany artuda.
"Adyrna" ūlttyq portaly
