"Qazırgı zamanda dıni ahual ylǧi köz aldymyzda boluy kerek. Qazır Siriiada, öz ışımızde ne bolyp jatqanyn körıp otyrsyzdar. Bız qazaqstandyqtar ziialy qauymbyz. Dın mäselesı memleketten bölek tūrady. Degenmen ony basqarmai bolmaidy. Sondyqtan jaǧdaidy egjeilı-tegjeilı bılıp otyru üşın arnaiy ministrlık qūryldy. Qara kiım kiıp, tūmşalanyp jüru qazaqtarda eş uaqyt bolǧan emes. Äielderdıŋ barlyǧyn betın jauyp, äielder ekınşı sortty adamdar degen el emespız. Ony da qarau kerek. Saqaly belıne tüsken adamdar da bızge jaramaidy. Özımızdıŋ ata-babadan qalǧan jolymyz bar. Sol jolmen jüruımız kerek", — deidı prezident. Nazarbaev barlyq mūsylman elınde dınnıŋ jūmysy memlekettıŋ qadaǧalauynda ekenın atap öttı.
"Ol Türkiiada da, Saud Arabiiasynda da, mūsylmanbyz degen barlyq arab elınde bar. Bız de qadaǧalap otyruymyz kerek. Eşkımge şekteu joq. Qazaqstanda 3000-ǧa jaqyn meşıt aşyldy. Kım qai dındı ūstanǧysy kelse, erık özınde. Degenmen elımızde bülık salmauy kerek. Basqa aǧymǧa dındı būryp äketıp, bülık şyǧaratyn terrorister şyqpauy kerek ışımızden", — deidı memleket basşysy.
