Atyraý oblysynyń ákimi Mahambet Dosmuhambetov halyqaralyq bilim olımpıadasynyń jeńimpazdaryn qabyldady.
Fızıka jáne matematıka pánderinen halyqaralyq dárejedegi olımpıada bıyl shilde aıynyń 14-25 kúnderi ótip, oǵan qatysqan oblysymyzdyń “Bilim-Innovaııa” lıeı-ınternatynyń eki birdeı shákirti jeńimpaz atanǵan bolatyn.
Atap aıtqanda 1959 jyldan beri ótkizilip kele jatqan Halyqaralyq matematıkalyq olımpıadasyn alǵash Rýmynııa memleketi uıymdastyrsa, bıylǵy 62-shi Halyqaralyq matematıkalyq olımpıadasyn Reseı Federaııasy ótkizgen.
Atalǵan olımpıadaǵa matematıka páninen alty oqýshy tańdalyp alynǵan. Sonyń biri-2019 jyly ótken respýblıkalyq pán olımpıadasynyń absolıýttik chempıony Atyraý oblystyq «Bilim-Innovaııa» lıeı-ınternatynyń 11-klass oqýshysy Aıbek Myrzataı altyn medaldi jeńip alǵan edi.
Bul jeńis matematıka páni olımpıadasynda buryn-sońdy respýblıka tarıhynda bolmaǵan.
Al, Halyqaralyq fızıka olımpıadasy 1967 jyldan beri ótkizilip keledi, bıyl Lıtva memleketinde uıymdastyrylǵan 51-shi Halyqaralyq fızıka IRhO-2021 olımpıadasy qashyqtyqtan formatynda ótti.
Bul olımpıadaǵa qazaqstandyq ulttyq quramyna fızıka páninen halyqaralyq, respýblıkalyq jarystar men olımpıadanyń júldegerlerinen bes oqýshy tańdalyp alyndy. Olardyń biri – atalǵan oqý ornynyń 10-synyp oqýshysy Rızabek Alpamys. Ol olımpıadanyń qorytyndysymen kúmis medalge ıe boldy.
Oblys ákimi atalǵan jeńimpazdar men ustazdaryn jáne ata-analaryn jetken jetistikpen quttyqtady.
«Ólkemizde talantty da daryndy balalardy anyqtap, olarǵa qoldaý kórsetýde keshendi sharalar júzege asyp keledi. Oblysymyzda daryndy balalarǵa arnalǵan 7 bilim berý uıymy bar, solardyń biri de biregeıi -«Bilim-Innovaııa» lıeı-ınternaty. Qazaqstan atyn halyqaralyq bilim dodasynda bıik tuǵyrǵa kótergen shákirtterimizdiń jeńisi qutty bolsyn! Osy jeńiske barshańyzdyń úlesterińiz zor ekendigin erekshe atap ótkim keledi»,-degen óńir basshysy oblysta bilim berý sapasyn arttyratyn úsh jyldyq jol kartasy júzege asyrylýda ekenin atap ótti.
«Jol kartasy aıasyndaǵy barlyq jumystardyń nátıjeli iske asýyna, keleshektegi bilim dodalarynda joǵary deńgeı kórsetýge oblys ákimdigi tarapynan árdaıym qoldaý bolatyndyǵyn aıtqym keledi»,-dedi ol.
Kezdesýde oblystyq «Bilim-Innovaııa» lıeı-ınternatynyń dırektory Elma Ismaıl oqýshylar zamanaýı jabdyqtalǵan oqý ornynda jańa bilim berý ádisimen oqyp jatqanyn aıtsa, ata-ana Nurbek Jubatyrov bilimdi shákirt tárbıelegen ustazdarǵa alǵysyn bildirdi.
Jıyn sońynda oblys ákimi Mahambet Dosmuhambetov olımpıada jeńimpazdary men ustazdardy jáne ata-analardy Alǵys hattarmen marapattap, syılyqtar tabystady.
