Qala äkımınıŋ kezektı halyqty qabyldauy öttı

Şymkent qalasy äkımınıŋ azamattardy jeke mäselelerı boiynşa onlain qabyldauyna kelgen N.Aşirov mügedek balasynyŋ sauyqtyru ortalyqtarynda em aluyn, därılerın aluǧa kömek berudı sūrap keldı. Balaǧa bölıngen vitaminder, därıler berılmei kelgenı belgılı boldy. «Därıge qarajat qaralǧan. Mügedekter arbasy bar. Nege tūrǧynǧa berılmei otyr? Eger kınälı bar bolsa jazalanuy kerek. Tūrǧyndy bügınnen qaldyrmai jeke qabyldap, mäselenıŋ män-jaiyn anyqtaŋyz. Mäselenı tübegeilı şeşıp, maǧan baiandaŋyz. Därı-därmekpen qamtamasyz etu salasynda olqylyqtar bar. Sony retke keltırıŋız», - dep  özınıŋ bırınşı orynbasaryna naqty tapsyrma berdı. Al, Abai audanynyŋ tūrǧyny D.Süleimenov Aqtas-2 şaǧyn audanynyŋ infraqūrylym jäne aialdama ornatu mäselelerın köterdı. Tūrǧynnyŋ talap-tılegın tyŋdaǧan şahar basşysy şaǧyn audannyŋ gaz mäselesı kelesı jyly şeşıletının aitty. Bügınde qūrylysqa qarjy bölınıp, merdıger anyqtalyp jatyr. Al, sapaly auyz sumen qamtamasyz etu maqsatynda qūrylys jūmystary qyzu jürgızılude. Atalǧan jūmystar küzde aiaqtalyp, jyl soŋyna deiın tūrǧyndar sapaly auyz sumen qamtylatynyn atap öttı. Sonymen bırge, äkım Mūrat Äitenov tiıstı sala basşysyna qyrküiek aiynda aialdama qoiyp beru jönınde tapsyrma berdı. Jūmystardyŋ atqarylu barysyn köru maqsatynda Aqtas-2 şaǧyn audanyna baryp, tūrǧyndarmen kezdesetının aitty. Odan özge, Ūlaǧat şaǧyn audany E.Spataev köşesınıŋ tūrǧyny su men jaryqqa qatysty şaǧymyn jetkızdı. -    Su qūbyryna keler bolsaq, ol jerde standartqa sai emes qūbyr bolǧandyqtan artyq qysymdy kötermei aqau oryn alyp jatyr. «Su resurstary – Marketing» JŞS-nyŋ investisiialyq baǧdarlamasyna säikes, osy jyly tamyz – qyrküiek ailarynda tozyǧy jetken auyz su qūbyrlary jaŋartylatyn bolady. Jaryqtandyru mäselesı küzde şeşımın tabady, - dedı qala äkımı. Eŋbekşı audanynyŋ äkımı D.Esılbekke mäsele şeşımın tapqanǧa deiın jeke baqylauyna alyp, tūrǧynmen kezdesudı jüktedı. Onlain qabyldau barysynda tūrǧyn üi, äleumettık kömek, jer mäselesı de söz boldy. Qala äkımı tūrǧyndardyŋ aryz-şaǧymy nazardan tys qalmai, zaŋdy jäne josparǧa sai şeşıletının jetkızdı. Audan äkımderıne tūrǧyn alaptardy aralap, biyl jäne aldaǧy jyly jasalatyn jūmystardy tūrǧyndarǧa jüielı türde tüsındırıp otyrudy tapsyrdy.