Aqtöbe oblysynda JKO saldarynan bır otbasynyŋ tört adamy qaitys boldy, dep habarlaidy «Adyrna» tılşısı Polisia.kz-ke sılteme jasap.
«16 tamyz künı saǧat 19.15-te Yrǧyz audany Qalybai kentınıŋ janyndaǧy “Samara-Şymkent” avtojolynda (audan ortalyǧynan 90 şaqyrym jerde) jol-kölık oqiǧasy oryn alyp, adam ölımıne äkep soqty. Polisiia qyzmetkerlerı Şalqar audanynyŋ tūrǧyny 39 jastaǧy Nissan X-Trail avtokölıgınıŋ jürgızuşısı Aqtöbe qalasy jaǧynan Yrǧyz kentı baǧytynda 1080 şaqyrymynda Qalybai auylyna jaqyn jerde “Samara-Şymkent” avtojolymen jürıp kele jatqan Qyrǧyzstan Respublikasynyŋ azamatynyŋ basqaruyndaǧy Volvo FH460 jük kölıgımen soqtyǧysqanyn anyqtady»,– delıngen habarlamada.JKO saldarynan Nissan X-Trail avtokölıgınıŋ jürgızuşısı, 40 jastaǧy zaiyby, 11 jasar ūly alǧan jaraqatynan oqiǧa ornynda köz jūmdy. Al erlı-zaiyptylardyŋ 5 jasar ūly men 10 jasar qyzy Yrǧyz audanynyŋ ortalyq auruhanasyna jatqyzyldy. Ökınışke qarai, därıgerler bes jastaǧy balanyŋ ömırın aman saqtap qala almady. QR QK 345-baby 4-bölıgı (Abaisyzda ekı nemese odan da köp adamnyŋ ölımıne äkep soqqan JQE būzu) boiynşa sotqa deiıngı tergeu bastaldy.
«Adyrna» ūlttyq portaly
