Biyl tūŋǧyş ret Nūr-Sūltan qalasynyŋ sportşy talapkerlerıne qala äkımınıŋ bılım granttary berıledı. Konkurstyq kommisiia qorytyndysy boiynşa joǧary bılımdı mamandardy daiyndauǧa memlekettık bılım beru tapsyrysyn Euraziia ūlttyq universitetı jüzege asyrady, dep habarlaidy «Adyrna» tılşısı elorda äkımdıgınıŋ resmi saityna sılteme jasap.
«Nebır myqty sportşylar, el namysyn halyqaralyq arenalarda qorǧap jürgen sport şeberlerı mektep kezderınen jattyǧu zalynda jürıp, oqu bıtırıp testıleuden ötkende bırazy aqsap jatady. Memlekettık grantqa ılınbegen sportşylar qoljetımdı mamandyqtarǧa tapsyruǧa mäjbür bolady. Sonyŋ saldarynan bız myqty mamandar şyǧady degen sportşylarymyzdan aiyrylyp qalyp jatamyz. Memleket basşysy jastardyŋ sporttyq äleuetın damytuǧa erekşe köŋıl bölıp otyr, tiısınşe jan-jaqty qoldau körsetılude. Qala äkımı Altai Seidırūlyna jasalǧan ūsynysymyz qoldau tauyp, Nūr-Sūltan qalasynyŋ sportşylaryna 50 qala äkımınıŋ grantyn beru turaly şeşım qabyldady. Joǧary oqu oryndaryn aiaqtaǧan soŋ, mamandar jattyqtyruşy, nūsqauşylar retınde qalalyq sport ūiymdaryna jūmysqa qabyldanady. Solai bız öz kadrlarymyzdy daiyndaimyz», — dedı Nūr-Sūltan qalasynyŋ Dene şynyqtyru jäne sport basqarmasynyŋ basşysy Samat Erǧaliev.L.N.Gumilev atyndaǧy Euraziia Ūlttyq Universitetınıŋ «Dene şynyqtyru jäne sport» mamandyǧy boiynşa qala äkımınıŋ grantyna ötınışterdı qabyldau tamyz aiynyŋ 20-na deiın jalǧasady.
Talapker sportşylar tapsyruy tiıs qūjattar tızımı:
Tölqūjat (notarialdy rastalǧan köşırmesı); Sporttyq därejesı 1 razriad, SŞÜ, SŞ (notarialdy rastalǧan köşırmesı); Respublikalyq jäne Halyqaralyq jarystardyŋ diplomdary men madaqtama qaǧazdary (notarialdy rastalǧan köşırmesı); ŪBT sertifikaty; Şyǧarmaşylyq emtihandar hattamasynyŋ şeşımı.Joǧaryda atalǧan qūjattardy tapalkerler EŪU-dyŋ qabyldau bölımıne (Q.Mūŋaitpasov 13) aparyp tapsyrady. Qūjattardy qabyldau aiaqtalǧan soŋ konkurstyq kommisiia qūrylyp, äkım grantynyŋ iegerlerı belgılı bolady. Qosymşa sūraqtar EŪU-dyŋ qabyldau bölımıne 55-68-57, 55-68-55, 55-68-53, 55-68-73, sondai-aq Dene şynyqtyru jäne sport basqarmasyna 557567, 557561 habarlasyp bıluge bolady.
«Adyrna» ūlttyq portaly
