Oblys äkımı Oŋdasyn Orazalin sportpen jäne dene şynyqtyrumen ainalysatyn tūrǧyndardyŋ sanyn, onyŋ ışınde jastardy köbeitudı tapsyrdy dep habarlaidy "Adyrna" ūlttyq portaly.
— Qolda bar sporttyq seksiialardy, klubtardy barynşa tiımdı paidalanyp, jaŋalaryn aşu qajet. Būqaralyq jäne balalar sporty jūrtşylyqtyŋ qoly jetetındei boluy kerek. Soǧan nazar audaru qajet, — dedı oblys basşysy.
Sportpen şūǧyldanǧysy keletın aqtöbelıkter barlyǧy 1800-den asa sport nysanyna bara alady. Sonymen bırge jaŋa sport nysandarynyŋ, sonyŋ ışınde deneşynyqtyru-sauyqtyru keşenderınıŋ qūrylysy jalǧasuda.
Jyl basynan berı Aqtöbe qalasynda şaŋǧy rollerı trassasy men Oiyl auylynda deneşynyqtyru-sauyqtyru keşenı paidalanuǧa berıldı. Qarǧaly, Temır, Mūǧaljar, Hromtau audandarynyŋ audan ortalyqtarynda, sonymen qatar Hromtau audanynyŋ Köktau auylynda bes deneşynyqtyru-sauyqtyru keşenınıŋ qūrylysy jalǧasuda.
№4 oblystyq balalar men jasöspırımderdıŋ küres boiynşa sport mektebınıŋ materialdyq-tehnikalyq qamtyluymen tanysyp şyqqan oblys äkımı balalardy osy sport türımen qamtu üşın mektep aumaǧynda taǧy bır ǧimarat salu turaly ötınıştı qoldady. Öitkenı aqtöbelıkter arasynda küres seksiialaryna būrynnan joǧary sūranys bar. Jyl soŋyna deiın jobalyq-smetalyq qūjattamany bekıtu tapsyryldy.№1 balalar men jasöspırımder sport mektebınde oblys basşysy qūzyrly organdarǧa qabyrǧalardaǧy jaryqşaqtyŋ sebebın kıdırtpei anyqtap, eger ǧimarattyŋ qauıpsızdıgıne ziian keltırmese, joiudy tapsyrdy. Nysan 2016 jyly paidalanuǧa berılgen. Oblys basşysy abattandyru jūmystary aiaqtalyp qalǧan triatlon parkın de qarap şyqty. Qazırgı taŋda mūndaǧy jügıretın jäne velosiped jüretın joldar tolyǧymen daiyn, jaryq ornatyldy, suaru jüiesı jolǧa qoiyldy. Halyqtyŋ qalauy boiynşa jaiaularǧa arnalǧan jol da jasalady. Arka ıspettı ülken LED-ekran ornatylady. Oblys äkımı triatlon parkınıŋ aqtöbelıkter üşın barynşa qolaily qoǧamdyq keŋıstık boluyn atap öttı. — Jasyna nemese jyl mezgılıne qaramastan mūnda bärıne, iaǧni sportpen käsıbi şūǧyldanatyndarǧa da, jai jaiau jürıp qaitqysy keletınderge de yŋǧaily boluy kerek. Barlyq sporttyq nysandarda qolaily jaǧdai jasap, halyqqa barynşa qoljetımdı etu qajet. Prezident tapsyrmasyna säikes būqaralyq sportty damytu — basym mındetterdıŋ bırı, — dedı oblys äkımı O.Orazalin.
Bügınde Aqtöbe oblysynda balalar men jasöspırımderge arnalǧan barlyǧy 32 sport mektebı jūmys ısteidı, olarda 19 myŋnan asa bala jattyǧady, taǧy 36 myŋ bala aula klubtaryna baryp jür. Biyl balalar men jasöspırımderdıŋ sport mektepterınıŋ jattyqtyruşy-oqytuşylarynyŋ ştaty köbeiıp, 105 adamǧa artty. Barlyq audandyq balalar men jasöspırımder sport mektepterınıŋ auyldyq okrugterde filialdary bar. Bügınde 62 auylda osyndai filialdar jūmys jasap tūr. Balalar men jasöspırımder sport mektepterınıŋ materialdyq-tehnikalyq bazasyn nyǧaitu üşın 2019 jyly 40 million teŋge, al byltyr 115 million teŋge bölıngen.
Sportpen şūǧyldanǧysy keletın aqtöbelıkter barlyǧy 1800-den asa sport nysanyna bara alady. Sonymen bırge jaŋa sport nysandarynyŋ, sonyŋ ışınde deneşynyqtyru-sauyqtyru keşenderınıŋ qūrylysy jalǧasuda.
Jyl basynan berı Aqtöbe qalasynda şaŋǧy rollerı trassasy men Oiyl auylynda deneşynyqtyru-sauyqtyru keşenı paidalanuǧa berıldı. Qarǧaly, Temır, Mūǧaljar, Hromtau audandarynyŋ audan ortalyqtarynda, sonymen qatar Hromtau audanynyŋ Köktau auylynda bes deneşynyqtyru-sauyqtyru keşenınıŋ qūrylysy jalǧasuda.
«Samūryq – Qazyna Trust-tıŋ» qoldauymen Mūǧaljar audanynyŋ Embı qalasynda balalar men jasöspırımderdıŋ sport mektebınıŋ janynan deneşynyqtyru-sauyqtyru keşenın tūrǧyzu bastaldy. Keler jyly oblystaǧy barlyq audandar deneşynyqtyru-sauyqtyru keşenımen qamtylady dep kütılıp otyr.Sondai-aq biznestıŋ äleumettık jauapkerşılıgı aiasynda Aqtöbede triatlon parkınıŋ qūrylysy aiaqtalyp, «Jūmyspen qamtudyŋ jol kartasy» aiasynda biyl qozǧalys mümkındıgı şekteulı jandarǧa arnalǧan sport keşenın jäne Jarqamys, Jarly, Jaǧabūlaq pen Qūrylys auyldarynda tört sport keşenın salu üşın qarjy bölu josparlanuda. Qazırgı taŋda Aqtöbe oblysy halqynyŋ 32 paiyzdan astamy dene şynyqtyru jattyǧularymen jäne sportpen qamtylǧan.
"Adyrna" ūlttyq portaly.
