Bizdiń basty mindetimiz — jastardy jan-jaqty qoldaý

1329

Bıyl «Nur Otan» partııasy Aqtóbe oblystyq partııasy janynan jastardy qoldaý jónindegi óńirlik qoǵamdyq keńes qurylǵan bolatyn. Qazir bul keńes oblysta jastardy qoldaýǵa baǵyttalǵan memlekettik baǵdarlamalardyń iske asyrylýyn, jas otbasylardyń turǵyn úı problemalarynyń sheshilýin, jastar kásipkerligin damytý jáne olardy jumysqa ornalastyrý máselelerin qadaǵalap, qarqyndy jumystar júrgizýde. Osy oraıda biz atalǵan qoǵamdyq keńestiń tóraǵasy Baqyt Moldagereevamen áńgimelesken edik.  

— Jastardy qoldaý jónindegi óńirlik qoǵamdyq keńestiń mindetteri týraly aıtyp berseńiz.

— Bıylǵy jyldyń basynda ótken elimizdegi úlken saıası naýqannan keıin «Nur Otan» partııasy halyq aldynda bergen ýádesin oryndaýǵa beldim bekem býdy.  «Ózgerister joly: Ár azamatqa laıyqty ómir»  atty saılaýaldy baǵdarlamasyndaǵy 2025 jylǵa deıingi mejelengen  mindetteriniń oryndalýy barysyn partııa búginde qatań qadaǵalaýdy myqtap qolǵa aldy. Osy maqsatta partııa janynan túrli baǵyttar boıynsha qoǵamdyq keńester qurylyp, olardyń quzirettilikterin arttyrdy. Olardyń qatarynda jastardy qoldaý jónindegi qoǵamdyq keńes te bar.

Mundaı keńes partııa janynan  respýblıkalyq jáne partııanyń aımaqtyq, aýdandyq fılıaldary janynan quryldy. Men sol partııanyń Aqtóbe oblystyq fılıaly janyndaǵy jastardy qoldaý jónindegi aımaqtyq keńesiniń tóraǵalyǵyna saılandym. Aıta ketý kerek, bul — qoǵamdyq jumys. Keńestiń birde-bir múshesi partııanyń tarapynan jalaqy almaıdy. Iaǵnı, aımaqtyq keńestiń 15 múshesi bolsa, olardy barlyǵynyń da belgili jumys orny bar, olar  keńestiń jumysyn qoǵamdyq negizde alyp júr. Sebebi olar — eldiń, odan qaldy óńir men aýdandardyń damýyna, halyqty alańdatqan máselelerdi osyndaı múmkindiktiń nátıjesinde túıtkilderdiń sheshimin tabýǵa naqty is júzinde atsalysýǵa múddeli azamattar.

Keńestiń negizgi mindetteri — partııanyń saılaýaldy baǵdarlamasynyń iske asyrylýy men monıtorıngin qamtamasyz etip, memlekettik jastar saıasaty máseleleri jónindegi zańnamany jetildirýge, jastardyń quqyqtary men zańdy múddelerin qorǵaýdy qamtamasyz etýge yqpal etý. Sonymen qatar, jastar saıasaty salasyna qatysty ózge de máselelerdi talqylap, jastarǵa baǵyttalǵan memlekettik baǵdarlamalar men jobalardyń iske asyrylý tıimdiligine taldaý júrgizedi. Osy baǵytta qoǵamdyq keńes kóshpeli nemese onlaın rejımde azamattardy qabyldaý ótkizedi.

Jalpy partııanyń baǵdarlamasyndaǵy naqty mindetterdi oryndaý maqsatynda arnaıy óńirdiń jol kartasy ázirlendi. Óńirge qatysty ózekti máseleler kezeń-kezeńge bólinip, sheshimi tabatyn merzimderi belgilendi.

Partııanyń jastardy qoldaýǵa arnalǵan arnaıy baǵdarlamasy bar ma?

— Árıne, bar. Ol 2025 jylǵa deıingi merzimge arnalǵan. «Jastar — Otanǵa!» dep atalady.

Atalǵan baǵdarlamadaǵy jáne «Ózgerister joly: Ár azamatqa laıyqty ómir!» atty saılaýaldy baǵdarlamasyndaǵy aldaǵy bes jyldyqqa mejelengen mindetterin tıimdi iske asyrý maqsatynda óńir jastaryna arnalǵan jol kartasy da ázirlendi.

Jastardy qoldaý jónindegi aımaqtyq qoǵamdyq keńes osy mindetterdiń oryndalýyn qadaǵalaıtyn konsýltatıvtik-keńesshi organ retinde munyń barlyǵyn qadaǵalap, jergilikti atqarýshy bılikten oryndalýyn baqylap otyrady. Ortalyq memlekettik organdar, jergilikti atqarýshy organdar men uıymdar basshylarynyń keńes qyzmetiniń baǵyttary sheńberinde partııanyń saılaýaldy baǵdarlamasyn jáne «Jastar – Otanǵa!» baǵdarlamasyn iske asyrý máseleleri boıynsha esebin tyńdaıdy. Usynymdar ázirleý úshin keńes pen partııanyń aımaqtyq fılıaldary janyndaǵy jastardy qoldaý jónindegi óńirlik qoǵamdyq keńester músheleriniń usynystaryn qaraıdy. Partııanyń aımaqtyq fılıaldary janyndaǵy jastardy qoldaý boıynsha óńirlik qoǵamdyq keńesterdiń qyzmetin úılestiredi. Jumys toptarynyń qyzmetin uıymdastyryp,  jastar ókilderi tarapynan túsken ótinishter men shaǵymdardy qaraıdy.  Parlament Májilisindegi jáne máslıhattardaǵy partııa frakııalarymen, partııalyq baqylaý komıtetimen, múddeli memlekettik organdarmen, buqaralyq aqparat quraldarymen, qoǵamdyq jáne úkimettik emes birlestiktermen, jastar saıasaty salasyndaǵy sarapshylarmen jáne ózge de zańdy jáne jeke tulǵalarmen ózara is-qımyl jasaıdy.

Qoǵamdyq keńestiń jumys barysy týraly aıtsańyz. Qazirgi tańda óńirde jastarǵa qatysty qandaı máselelerdiń sheshilýine atsalysyp jatyrsyzdar?

— Jyl basynan beri jastardy qoldaý jónindegi óńirlik qoǵamdyq keńestiń eki otyrysy ótti. Birinshi otyrysynda keńes múshelerine keńestiń negizgi mindetteri, fýnkııalary men quramy tanystyryldy. Jyldyq jumys jospary talqylanyp, 2025 jylǵa deıingi «Jastar-Otanǵa!» baǵdarlamasyn iske asyrý boıynsha ázirlengen jol kartasyndaǵy bes baǵytqa keńes músheleri bekitildi.

Ekinshi otyrystyń kún tártibinde jumys isteıtin jastar úshin jalǵa beriletin turǵyn úı memlekettik baǵdarlamasyn iske asyrý barysy jáne jas otbasylardyń turǵyn úı problemalaryn sheshý jónindegi óńirlik baǵdarlamalaryn qurý máselesi qaraldy.

Odan bólek, bekitilgen jumys josparyna sáıkes, Aqtóbe qalasyndaǵy onǵa jýyq joǵary oqý orny men kolledjdiń janyndaǵy stýdentterge arnalǵan jataqhanalardyń turmys-tirshiligine monıtorıng júrgizdi.

Partııanyń otbasy, áıelder máseleleri jáne balalardyń quqyqtaryn qorǵaý jónindegi aımaqtyq qoǵamdyq keńesiniń múshelerimen jáne «Jas Otan» jastar qanatynyń Aqtóbe oblystyq fılıalymen birlesip, balalar qaýipsizdigin qamtamasyz etý maqsatynda qaladaǵy jáne aýdan ortalyqtaryndaǵy ashyq qudyqtardy, jaryqtandyrylmaǵan kóshelerdi máselesin jáne jol qozǵalys qaýipsizdigin anyqtaý baǵytynda monıtorıng júrgizildi. Jalpy «Jas Otan» jastar qanatynyń Aqtóbe oblystyq fılıalymen qoıan- qoltyq kóptegen izgilikti ister atqaryp kelemiz. Máselen, biz bıyl birneshe márte aýdandarǵa jumys saparmen shyǵyp, Shalqar, Temir, Alǵa aýdandaryn aralap, aýdandyq qoǵamdyq keńesterdiń otyrystaryna qatystyq. Aýdan jastaryn alańdatqan máselelerdi talqyladyq.

Alda jyl sońyna deıin biz keńes otyrystarynda jastar arasyndaǵy qylmysty azaıtý boıynsha jáne jastardyń densaýlyǵyn jaqsartý boıynsha qabyldanyp jatqan keshendi sharalardyń oryndalýy syndy kóptegen ózekti máselelerdi qaraımyz. Sondaı-aq keminde 20 stýdenttik jataqhananyń áleýmettik-turmystyq jaǵdaılaryn monıtorıngileý, NEET sanatyndaǵy jastardyń derekter bazasyn qurýmen ataýly jumys júrgizý syndy ister atqaratyn bolamyz. Jalpy aıtqanda aldaǵy ýaqytta biz jastardyń ıgiligi úshin jumys isteımiz.

Áńgimeńizge rahmet!

 

Áńgimelesken Danagúl BAIMUQASh,

«Adyrna» ulttyq portaly.

Pikirler
Redakııa tańdaýy