Qazaqstan Respublikasy Täuelsızdıgınıŋ 30 jyldyq merekesı qarsaŋynda Memlekettık tapsyryspen jan basyna qarjylandyru jobasyna qatysqan jeke käsıpkerlıktıŋ bırı - JK «RİTM» üiırmesı. Atalǧan üiırmenıŋ jūmysymen qala äkımı Mūrat Äitenov arnaiy baryp tanysyp, balalardyŋ biın tamaşalady.
Mūnda ata-anadan 300 ötınım tüsken. Olardyŋ ışınde 140 bala ūlttyq bi üiırmesıne jazylǧan bolsa, 60 bala zamanaui bige, 100 bala bal bilerıne qatysuǧa ötınış tastaǧan. Üiırme Qaratau audany «Nūrsat» şaǧyn audany 208A üide ornalasqan.
Üiırmege balalaryn alyp kelgen ata-analarmen tıldesken qala äkımı Prezident tapsyrmasyna säikes biylǧy jyly sporttyq jäne şyǧarmaşylyq seksiialarǧa jan basyna şaqqandaǧy qarjylandyru jüiesı engızılgenın atap öttı. Jaŋa joba boiynşa 4 jastan 18 jasqa deiıngı balalar, onyŋ ışınde erekşe qajettılıgı bar balalar memlekettık tapsyryspen kez-kelgen sport seksiiasyna, şyǧarmaşylyq üiırmesıne tegın bara alatynyn tüsındırdı.
Mädeniet, tılderdı damytu jäne arhivter basqarmasynyŋ basşysy H.Esenova osy jyldyŋ 28-şı mausymynda şyǧarmaşylyq üiırmelerdı jan basyna qarjylandyru qaǧidasy Artsport.edu.kz saitynda jariialanǧanyn atap öttı. Onyŋ aituynşa, būl saitqa osy künnen bastap, bügıngı künge deiın 10 jeke käsıpkerden 24 ötınım tüsken. Zaŋǧa säikes 8 üiırmege jūmys atqaruǧa rūqsat berılse, 5 üiırmenıŋ qūjaty kerı qaitarylǧan. Al qalǧan 11 üiırmenıŋ qūjattary qaralu üstınde eken. Basqarma basşysy qaladaǧy jeke käsıpkerlerdı atalǧan jobaǧa qatysuǧa şaqyrdy.
Şymkent qalasy äkımdıgınıŋ baspasöz qyzmetı
