Saiajai qarauyly zeinetkerdı örtep jıberdı

"Mikrobiolog" saiajai aumaǧynda oryn alǧan oqys oqiǧa kısı ölımıne äkelıp soqtyrdy, dep habarlaidy “Adyrna” ūlttyq portaly zakon.kz  saityna sılteme jasap.  63 jastaǧy er adam eskı saiajaiyn būzyp jatqan. Jergılıktı qarauyl (I-toptaǧy mügedek) ony toqtatuǧa tyrysty. Sözge kelgen ekeudıŋ janjaly töbeleske ainalady, sol kezde zeinetker pnevmatikalyq vintovkasyn alyp şyǧady. Qatty qorqyp ketken küzetşı oǧan tez tūtanatyn sūiyqtyq şaşyp, oty bar şyrpyny laqtyrady. Jalyn lap ete tüskende ısıne ökıngen küzetşı örttı söndıruge tyrysty, bıraq būl kömek bolmady, jäbırlenuşınıŋ denesınıŋ 90%-dan astamyn küiık şalǧan, er adam alǧan jaraqatynan auruhanada qaitys boldy, - deidı BQO PD resmi ökılı Bolatbek Belgıbekov. Er adam ūstaldy, QR Qylmystyq kodekstıŋ 106-baby, 3-bölıgı, "Ölımge äkelıp soqqan qasaqana auyr dene jaraqatyn keltıru" boiynşa sotqa deiıngı tergeu bastaldy.