2020 jyly qolǧa alynǧan jobaǧa säikes qyryq jyldan astam uaqyt qoldanysta bolǧan volerlerdı jaŋartu jūmystary jürgızılıp jatyr. Şılde aiynda Qaitpas, Qaisar esımdı tört jasar aǧaiyndy ekı arystan jaŋa volerge ornalastyrylǧan bolatyn. Bügınde ekeuı de jaŋa jaiǧa üirenısıp, jaǧdailary jaqsaryp qalǧan. Būǧan deiın sirkte öner körsetken aŋdarmen qatar 2021 jyldyŋ mausym aiynda 3 bas dala qasqyry, Novosibirsk zoobaǧynan äkelıngen 2 qara jäne 2 qyzyl qasqyr men bes bas tülkı, şılde aiynda jergılıktı sirkten äkelıngen ekı arystan köşırılgen. Barlyq januarlardyŋ qazırgı jaǧdailary jaqsy. Aldynala daiyndyq jūmystary atqaryluyna bailanysty köşıru barysynda eşqandai qiyndyq tuyndamady.
Şymkent qalasy Zoobaǧynyŋ barlyq januarlaryna jaily jäne qauıpsız orta qalyptastyru üşın tamyz aiynda Bonia jäne Klaid esımdı gibbondar, üş ūrǧaşy jasyl martyşka jaŋa jerge köşırıldı. Qoŋyr aiularǧa arnaiy salynǧan volerler de bır apta uaqyt aldyn daiar bolyp, Tian Şandyq Tatiana jäne Pontik, sirkten äkelıngen 5 jasar Barni men Umka jaŋa orynǧa auystyryldy.
Jaŋa oryndar är januardyŋ tabiǧi qajettılık jäne qyzyǧuşylyǧyna qarai jasalyp, kışıgırım oiyn alaŋqailary, bassein jäne köleŋke berer aǧaştarmen qamtylǧan. Eskı jäne tar volerlerde bıraz uaqyt ömır sürgen januarlar jaily jerlerge üirenısıp, kündelıktı ömır barysyn jalǧastyruda.
Atalmyş jobaǧa säikes keler jyly barlyq eskırgen volerler kezek-kezegımen sürılıp, 2023 jyly tolyqtai jaŋaruy josparlanǧan.
