Almaty qalasynyŋ Äuezov audandyq soty belgılı reseişıl Ermek Taişybekovty 7 jylǧa türmege japty. Qazaqstan sotynyŋ mūndai şeşım şyǧarǧanyna qoǧam kümänmen, senımsız qarap otyrǧan siiaqty. Bızde osy uaqytqa deiın reseilık taraptyŋ sözın söilep kelgenderdıŋ basynyŋ bır tal şaşy da tüspegenı belgılı.
Taişybekovtyŋ sottalǧanyna qazaqstandyqtardan görı reseilıkter dür sılkındı. Özderınıŋ aqparattyq qūraldarynda ärtürlı propagandany jasap otyrdy. Taişybekov osy uaqytqa deiın reseilık propagandany jürgızıp, qazaq qoǧamynyŋ jüikesıne tiıp keldı. Al, Taişybekovtyŋ advokaty Ǧalym Nūrpeiısov Taişybekovty «ūltaralyq kikıljıŋ tuǧyzdy» degen bappen sottaudyŋ eş negızı joq dep aqtap otyr.
Taişybekov osyǧan deiın 2020 jyly qyrküiek aiynda Qordaidaǧy köterılıs boiynşa da ūltaralyq kikıljıŋ şyǧaryp, qolǧa tüsken. 2020 jyldyŋ aqpan aiynda Qordai ısı boiynşa taǧy da qylmystyq jauapkerşılıkke tartyldy.
Al, Qordaidaǧy jaǧdaidan özderıŋızdıŋ habarlaryŋyz bar. Jappai töbelesten 11 adam qaza tapty, 20 polisiia qyzmetkerlerı ärtürlı deŋgeide jaraqat aldy. 156 üi örtenıp kettı, 102 kölık talqandaldy.
Al endı menıŋ taŋ qalyp otyrǧanym, reseilıkterdıŋ Qazaqstanda orystıldılerdıŋ qūqy taptalyp jatyr dep dabyra qaqqan tūsynda Qazaqstan soty nege Taişybekovty qamap tastady? Qordaidaǧy oqiǧa boiynşa sottalatyn adamdar sottalyp kettı. Al osy Qordai oqiǧasyna qatysy bar basty figura Taişybekov nege däl qazır sottalyp otyr? Älde būl reseilıkterdıŋ dabylynan keiın Qazaqstanda tıl jaiynda dau uşyǧyp ketpesın dep, basty figura etıp Taişybekovty jaba saldy ma?
Qazaq qoǧamynyŋ qazırgı kezde tüisıgı myqty. Bärın bılıp, sezıp otyrady. Bıraq qazaq qoǧamy Taişybekovtyŋ şynaiy türmege toǧytylǧanyna kümänmen qaraidy. Men öz basym eldegı ūltarazdyq kikıljıŋ tudyratyn, reseişıl figuralardyŋ türmegen toǧytylǧanyn qaşanda qoldaimyn! Sızdıŋ pıkırıŋız qandai?
Bekbolat QARJAN,
«Adyrna» ūlttyq portaly
Ūqsas jaŋalyqtar
