Koronavırýs qozdyratyn «Kavasakı» sındromyna balalar jıi ushyraýda, dep habarlaıdy "Adyrna" ulttyq portaly «Eýrazııa» birinshi arnasyna silteme jasap.
Buryn-sońdy estimegen dertke elimizde bıyl 30-ǵa jýyq bala shaldyqqan. Kúni keshe shymkenttik 5 jasar búldirshin atalǵan aýrýdyń qarmaǵyna ilinipti. Ol aýyr jaǵdaıda aýrýhanaǵa jetkizilgen. Sandarǵa sensek, bıyl 28 búldirshinnen belgisiz dert anyqtalǵan. Onyń úsheýi qaıǵyly jaǵdaımen aıaqtalypty.
Áli tolyq zerttelmegen "Kavasakı" tárizdi sındromnyń negizgi belgileri dárigerlerdiń sózinshe, eń áýeli balada 2-3 kún dene qyzý kóteriledi, aıaq-qoldarynda bórtpeler paıda bolady. Odan qaldy, álsizdik baıqalyp, kózi irińdep, qabynýy múmkin.
"Kavasakı" degenimiz - vırýs týdyratyn aýrý. Qazirgi kezde jıilep ketti. Alǵashqy belgileri temperatýra, qyzýdy basý kónbeıdi, uzaq ýaqyt saqtalady. 39-40 gradýs" deıdi pedıatr-dáriger Symbat Muratova.
Shymkentte ábden álsiregen, denesi bórtken, býyndary aýyrǵan 5 jasar búldirshin tamyz aıynyń basynda aýyr jaǵdaıda aýrýhanaǵa túsken. Dárigerler onyń ómirmen eki apta arpalysqanyn aıtady. Abyroı bolǵanda, bala qulan-taza aıyǵyp shyǵypty.
Qalalyq balalar aýrýhanasy bas dárigeriniń orynbasary, Qalamqas Daýmbaeva:
"Shilde aıynyń 30-da naýqas bala, 5 jasar naýqas aýrýhanada jatty. Shaǵymy - temperatýra kóterilýi, býyndarynyń isýi, bórtpeler shyǵýy, álsizdigi, tábetiniń tómendigi. Bala bes kún reanımaııada boldy, der kezinde arqasynda jaǵdaıy jaqsarýymen boldy"deıdi.
Mamandardyń sózinshe, "Kavasakı" sındromyn tek koronavırýs qana emes, ózge de ınfekııalar qozdyrýy múmkin. Sondaı-aq, estimegen dertke kóbine 2-7 jastaǵy balalar jıi shaldyǵady eken.
"Balada qosymsha belgili aýrý bolsa, sozylmaly aýrýlary bolsa, asqynady. Burynnan kele jatqan aýrý. Biraq óte sırek kezdesedi. Sebepteri de ártúrli. Qazir jıi kezdesetini - "Kavasakı sındromy" dedi Symbat Muratova.
Qysqasy, bul vırýs ımmýnıteti myqty, durys tamaqtanatyn balalarǵa jolamaıdy. Sol sebepti, jetkinshekterdi qoldy jıi jýyp júrýge, betperde taǵýǵa baýlyp, taza aýada serýendetý kerek. Vırýsolog mamandardyń keńesi osyndaı.
Tolyǵyraq beınematerıalda:
"Adyrna" ulttyq portaly
