Bılım jäne ǧylym ministrı Ashat Aimaǧambetov mektep direktorlaryn taǧaiyndaudyŋ jaŋa tärtıbın aitty, dep habarlaidy «Adyrna» tılşısı.
«Bırınşıden, endı mektep direktorynyŋ mındetın atqaruşysy bolyp üş aidan aspaityn jäne bır retten artyq emes merzımde ǧana ısteuge bolady. Osy kezeŋde konkurs ötkızılıp, jaŋa basşy taǧaiyndaluy kerek. Erejede belgılengendei, mektep direktorynyŋ bos nemese uaqytşa bos lauazymyna konkurs turaly habarlandyru bos oryn paida bolǧannan keiın jetı jūmys künı ışınde bılım basqarmasynyŋ resmi saitynda jäne akkauntynda ornalastyryluy kerek. Osylaişa, bos nemese uaqytşa bos direktor lauazymyna konkurs jariialamai aq, jyldar boiy direktordyŋ mındetın atqaruşysy bolyp jūmys ıstep jüre beruge endı jol berılmeidı. Aitpaqşy, bügıngı taŋda elımızde mektep basşysy lauazymyna 700-den astam bos jūmys orny bar jäne säikesınşe ol jerlerde direktordyŋ mındetın atqaruşy adamdar jūmys ıstep jür. Ekınşıden, Erejede direktordyŋ uaqytşa bos lauazymyna (bala kütımıne bailanysty demalys, oqu jäne t.b.) taǧaiyndau reglamentteletın bolady. Mūndai jaǧdailarda da ūiym basşysy tıkelei taǧaiyndau emes, konkurs arqyly anyqtalatyn bolady. Üşınşıden, endı direktor lauazymyna konkursty audandyq bılım bölımderı emes, oblystyq bılım basqarmalary ötkızetın bolady. Iаǧni, konkurstyq räsımderdı ūiymdastyrady jäne direktorlardy anyqtaidy. Sodan keiın direktordyŋ kandidaturasy boiynşa qūjattar eŋbek şartyn jasasu üşın bılım bölımıne jıberıledı. 5 jylǧa taǧaiyndalady»,– dedı ministr.Aimaǧambetov baiqaudyŋ özı bırneşe kezeŋnen tūratynyn atap öttı: - kandidattardyŋ direktor lauazymyna qūjattardy tapsyruy; - bılım basqarmasyndaǧy kadr qyzmetınıŋ kandidattyŋ bılıktılık talaptaryna säikestıgın baǧalauy, konkursqa qatysuǧa rūqsat beruı; - ümıtkerlerge arnalǧan elektrondyq testıleu (basqaruşylyq qūzyretter, pedagogika, psihologiia, QR Zaŋnamasy boiynşa testıleu); - oqu ornynyŋ Qamqorşylyq keŋesınıŋ aldynda mekteptıŋ damu josparyn qorǧau (testıleudı sättı tapsyrǧan jaǧdaida); - Bılım basqarmasyndaǧy äŋgımelesu (Qamqorşylyq keŋesınıŋ aldynda mekteptıŋ damu josparyn sättı qorǧap şyqqan ümıtkerler jıberıledı).
«Qamqorşylyq keŋesterınıŋ qūramyna ata-analar, pedagogika salasynyŋ eŋbek ardagerlerı, qoǧam qairatkerlerı, Ükımettık emes ūiymdardyŋ ökılderı kıredı. Barlyq kezeŋnen ötken ümıtkermen bılım bölımı tiıstı eŋbek şartyn jasap, ony direktor etıp taǧaiyndau turaly būiryq şyǧarady. Kandidattardy Qamqorşylyq keŋesımen kelısu boiynşa köptegen pıkırtalas boldy. Bız mūny da eskerdık. Endı Qamqorşylyq keŋesı direktor lauazymyna kemınde ekı kandidat boiynşa kelısım beruı tiıs. Eger kandidattardyŋ sany būdan az bolsa, onda konkurs ötkızılmegen bolyp esepteledı jäne qaita jariialanady. Eger Qamqorşylyq keŋesı ekı märte ekı kandidattan az adam taŋdaǧan jaǧdaida jäne säikesınşe konkurs ekı ret ötkızılmegen bolsa, onda konkursqa qatysyp jatqan barlyq kandidat kelesı kezeŋge ötedı. Qamqorşylyq keŋestıŋ jūmysy men qūru erejesın de qaita qaraudamyz. Qaǧidada bolaşaq direktorlarǧa qoiylatyn bılıktılık talaptaryna köp köŋıl bölınedı. Mūnda bırneşe erekşelık bar. Bırınşıden, bolaşaq direktorlar mındettı türde menedjment kurstarynan ötıp, tiıstı sertifikattary boluy kerek. Ekınşıden, direktor lauazymyna basşy retınde jūmys ötılı bar käsıbi mūǧalımder taǧaiyndaluy mümkın, al jalpy pedagogikalyq jūmys ötılı kemınde 5 jyl boluy qajet. Üşınşıden, ümıtker taǧaiyndalǧanǧa deiın soŋǧy ekı jyl bılım beru salasynda jūmys ısteuı tiıs. Būl tarmaq būryn-soŋdy qajettı jūmys täjıribesı men pedagogikalyq eŋbek ötılı bar, bıraq soŋǧy jyldary bılım beru salasynda jūmys ıstemegen adamdar mektep direktory lauazymyna taǧaiyndalǧan täjıribenıŋ boluyna bailanysty engızılıp otyr. 20 jyl būryn mūǧalım bolyp jūmys ıstegen nemese tıptı mektep direktory bolǧan, degenmen bılım beru salasyndaǧy jaŋaşyldyqtar men oryn alǧan özgerıster turaly habary joq, auyl äkımdıkterınıŋ nemese özge de memlekettık organdardyŋ qyzmetkerlerı mektep direktory bolyp taǧaiyndalatyn. Törtınşıden, taǧy bır jaŋaşyldyq — kadr rezervın qūru. Alǧaşqy ekı kezeŋnen (testıleu jäne qamqorşylyq keŋespen kelısu) sättı ötken, bıraq bılım basqarmasynda äŋgımelesuden ötpegen kandidattar endı bır jylǧa rezervke alynuy mümkın. Būl kandidattarǧa mekteptıŋ Qamqorşylyq keŋesımen kelıse otyryp, bır jyl ışınde direktor lauazymyna taǧaiyndalu qūqyǧyn beredı. Besınşıden, biyldan bastap direktorlardy rotasiialau instituty engızıletın bolady. Soŋǧy bırneşe aida bız erejelerdı äzırlep, sarapşylarmen talqylap jatyrmyz. Direktorlardy taǧaiyndau räsımderı men olardy materialdyq qoldau jönındegı osy özgerıstıŋ barlyǧy direktor lauazymyna laiyqty, barynşa daiarlanǧan kandidattardy taŋdauǧa jäne bılım beru ūiymdary basşylarynyŋ bäsekege qabılettılıgın arttyruǧa baǧyttalǧan. Saiyp kelgende būl bılım beru sapasyna äser etedı»,– dep sözın tolyqtyrdy ol.
«Adyrna» ūlttyq portaly
