«Adyrna» tılşısı Qaraǧandy oblysy TJD-nyŋ öŋırdı damytu üşın alǧa qoiǧan maqsat-josparlarynan halyqty habardar etu maqsatynda departament bastyǧynyŋ orynbasary Aqylbek Ahmetjanovpen äŋgımelestı.
- Qaraǧandy TJD-ǧa tiesılı tehnikalardyŋ sany qanşa?
- Qūtqaru bölımşelerın arnaiy tehnikamen jäne jabdyqtarmen materialdyq-tehnikalyq jaraqtandyru jedel äreket etudı arttyrady jäne tiısınşe halyqty qorǧau deŋgeiın joǧarylatady. Qūtqaru qyzmetterı oblys halqyn barlyq yqtimal tötenşe jaǧdailardan senımdı qorǧaudy qamtamasyz etu üşın Qaraǧandy oblysy TJD qaramaǧynda 487 tehnika bar, onyŋ ışınde negızgı, arnaiy maqsattaǧy, injenerlık jäne qosalqy avtokölıkter. Soŋǧy 5 jylda avtotehnika posty 100 bırlıkten astam tehnikamen tolyqty. 2021-2023 jyldarǧa tötenşe jaǧdailardy azaitu maqsatynda jaŋa jabdyqtar men tehnikalar alu josparlanǧan.
- Al kündelıktı neşe qyzmetker jauyngerlık kezekşılıgın atqarady?
- Qaraǧandy oblysynyŋ Tötenşe jaǧdailar departamentı TJM eŋ ırı aumaqtyq bölımşesı retınde oblys aumaǧyndaǧy halyqtyŋ qauıpsızdıgın tolyq kölemde atqaryp keledı.
Bügınde Qaraǧandy oblysynda Ört söndıru jäne avariialyq-qūtqaru jūmystary qyzmetınıŋ 36 ört söndıru bölımı, Jedel-qūtqaru jasaǧynyŋ 7 qūtqaru bölımşesı, Apattar medisinasy ortalyǧynyŋ 7 trassalyq-medisinalyq qūtqaru punktı, «Ört söndıruşı» AQ 19 bölımşesı täulık boiy jauyngerlık daiyndyqta tūr. Departamentte ştat boiynşa 2326 qyzmetker bar.
Qaraǧandy oblysy boiynşa kündelıktı 300-den astam jauynger kezekşılık etedı.
- Biyl oblysta ört jaǧdaiynyŋ tırkeluı azaidy ma?
- Jyl basynan berı Qaraǧandy oblysynyŋ aumaǧynda 637 ört tırkeldı, ötken jyldyŋ säikes kezeŋımen salystyrǧanda örtterdıŋ 23,4% - ǧa tömendegenı baiqalady (2020 jyly-832 ört).
Ört kezınde 33 adam qaza tapty, ötken jylmen salystyrǧanda 83%-ǧa köbeidı (2020 j. - 18 adam). Qaza bolǧandardyŋ arasynda 2 bala bar (2020j. - 0). 26 adam jaraqat aldy, ötken jylmen salystyrǧanda 2,3 ese östı (2020 j. - 11 adam), onyŋ ışınde balalardyŋ jaraqattanuy bolǧan joq.
2021 jyldyŋ ört qauıptı kezeŋı basynan Qaraǧandy oblysynyŋ aumaǧynda jalpy audany 75,745 ga 27 orman örtı (2020 jyly jalpy audany 75,6047 ga 18 fakt), jalpy audany 61534,5 ga 303 dala örtterı men janulary tırkeldı (2020 jyly jalpy audany 16697,27 ga 231 fakt).
- Pandemiia Qaraǧandy TJD qūtqaruşylarynyŋ jūmysyna qalai äser ettı?
- Qaraǧandy oblysynyŋ TJD qyzmetkerlerı pandemiianyŋ basynan bastap koronaviruspen küreste aldyŋǧy qatarda boldy, täulık boiy qyzmet ettı. Karantin jaǧdaiyndaǧy basty mındet TJ qyzmetı bölımşelerınıŋ jauyngerlık daiyndyǧyn saqtau bolyp tabylady, onyŋ negızgı talaptary-tärtıp, tötenşe jaǧdai kezınde sanitarlyq normalardy qataŋ saqtau jäne Qazaqstan halqy aldyndaǧy äleumettık jauapkerşılıktı sezınu.
Karantin kezınde qaraǧandylyq qūtqaruşylar da koronavirustyq infeksiia qaupın azaituǧa ülesın qosty. Ört söndıru bölımşelerınıŋ tehnikalyq mümkındıkterın paidalana otyryp, Qaraǧandy qalasynyŋ köşelerı bürku ädısımen dezinfeksiialyq erıtındılermen öŋdeldı.
Sonymen bırge, Departament bölımşelerınıŋ jeke qūramy arasynda sanitarlyq baqylau küşeitılıp, infeksiianyŋ taraluyn aldyn alu boiynşa jäne karantin şaralarynyŋ saqtaluy boiynşa ıs-şaralar ötkızılıp jatyr. Aita ketu kerek, jeke qūram jeke qorǧanu jäne dezinfeksiia qūraldarymen qamtamasyz etıldı.
- Qūtqaruşy bolu üşın qandai qasietterdı boiǧa sıŋıru qajet? Būl mamandyqqa sūranys qanşalyqty köp?
- Qauıptı jaǧdailar tuyndaǧan sätterde erlık körsetıp, qaterden adam janyn araşalap qana qoimai, odan ärı qauıpsızdıktı qamtamasyz etetın qūtqaruşy mamandary qaşan da qūrmetke laiyq. Osy mamandyq iegerlerı özgelerdı qūtqaru jolynda öz basyn qaterge tıgıp, qūrban boluǧa daiyn jandar. Sondyqtan eŋ myqty, qaisar da batyl jandar ǧana ömırlık qyzmetı retınde qūtqaruşy boludy taŋdaidy.
Naǧyz er azamattarǧa ǧana tän qūtqaruşy qyzmetı jürektılık pen batyldyqty talap etedı. Olardyŋ boiynda jedeldılık, tärtıptılık, temırdei qajyrlylyq boluy kerek.
Qūtqaruşy qyzmetı psihiologiialyq tūrǧydan öte qiyn jūmys. Sebebı qūtqaru kezınde olar är türlı adamdardyŋ qaiǧyly jaǧdailaryna kuä bolady. Mūndai küidı kün saiyn basynan keşetın qūtqaruşylarǧa oŋai emes. Alaida qūtqaruşylardyŋ sözınşe, adamdy ölımnen saqtap qalǧan kez qyzmetımızdıŋ eŋ jaǧymdy sätı deidı.
Jastar arasynda qūtqaruşy mamandyǧyna degen qyzyǧuşylyq artuda. Bügınde 347 ümıtker jūmysqa tūruǧa niet bıldırgen.
- Sūqbatyŋyzǧa raqmet!
"Adyrna" ūlttyq portaly
