Tötenşe jaǧdailar ministrı Iýrii İlin Jambyl oblysyndaǧy jarylystan zardap şekken ört söndırşıler pıkırın üzıldı-kesıldı joqqa şyǧardy, dep habarlaidy "Adyrna" ūlttyq portalynyŋ tılşısı inbusiness.kz-ke sılteme jasap.
Bügınde ört, jarylys jäne adam ölımı derekterı boiynşa tergeu jürıp jatyr. Sondyqtan men qaramaǧymdaǧy adamdardyŋ mälımdemesıne qatysty tüsınık bere almaimyn. Alaida bızdıŋ bölımşelerımız kez-kelgen obektıge keler aldynda nysan ielerınen qauıptıŋ bar-joǧyna sūrau salatynyn rastaimyn. Qoimada trotil saqtalǧan qūtylar janyp jatqany naqtylanǧan, – dep mälımdedı ministr Instagram-daǧy Aibat.kz pabligınde.Onyŋ aituynşa, trotil saqtalǧan qūtylar detonatorsyz bolǧan, ärı jarylu qaupın tudyrmaǧan.
Ne sebeptı jarylys bolǧanyn tergeu organdary anyqtap jatyr. (Äskeriler) qaşyp kettı jäne taǧy basqa degen aqparatqa toqtalsaq, qaza tapqandardyŋ arasynda Qorǧanys ministrlıgı, Tötenşe jaǧdailar ministrılıgınıŋ qyzmetkerlerı bar. Sondyqtan ärkım oqiǧa ornynda özınıŋ mındetın atqardy, – dedı Iýrii İlin.Ol kez kelgen jaǧdaida ört söndıruşılerdıŋ basty mındetı apattyŋ saldaryn joiu ekenın atap öttı.
Jıgıtter öz mındetın atqardy. Olar oqiǧa ornyna kelgende qoiu qara tütın boldy. Sondyqtan bız osy örttı söndıru üşın barlyq jauyngerlık atqyştopty jinadyq. Keiın ne bolǧanyn tergeu organdary anyqtaidy. Arysta jarylys bolǧan kezde barlyǧy qauıpsız jerge jetkızılgenın bılesızder. Alǧaşqy mälımetke säikes, mūnda jarylys qaupı bolmaǧan, – dedı vedomstvo basşysy.Aita keteiık, osyǧan deiın ört söndıruşı Asyl Mūhambetjanov janyndaǧy adamnan jarylǧyş zattyŋ bar-joǧyn sūraǧanyn, al taǧy bır ört söndıruşı Almaz Tūrsynov jarylys kezınde äskeriler kömektespei ketıp qalǧanyn jurnalisterge aitqan edı.
"Adyrna" ūlttyq portaly
