Búgin 2021 jyldyń 1 qyrkúıeginde Qazaqstanda jalpyulttyq halyq sanaǵy bastaldy. Táýelsizdik alǵan sátten bastap elimizde halyq sanaǵy úshinshi ret ótpek, dep habarlaıdy "Adyrna" ulttyq portaly.
«Shara alǵash ret ıfrlyq tehnologııalardy qoldaný arqyly ótpek. 1 qyrkúıekten 15 qazanǵa deıingi aralyqta sanaq.gov.kz saıtynda onlaın rejımde halyq sanaǵynan ótýge bolady. Saıt 24 saǵat boıy qol jetimdi», – dep habarlady Ulttyq statıstıka bıýrosynyń basshysy Nurbolat Aıdapkelov.
Ulttyq statıstıka bıýrosynyń baspasóz qyzmetiniń málimetine súıensek, onlaın rejımde sanaqtan ótpegen azamattardy qamtý úshin 1-30 qazan aralyǵynda qajetti sanıtarlyq normalardy saqtaı otyryp ıntervıýerlerdiń saýaldaryna jaýap berý múmkindigi bolady.
Intervıýerlerdiń elektrondyq planshetterdi paıdalanýy dástúrli kezeńniń basty jańalyǵy bolmaq. Ortasha eseppen sanaq saýaldaryna jaýap berýge 20-25 mınýt qajet. Azamattardyń belsendiligi men shynaıy jaýaptary halyq týraly sapaly derekterdi alýǵa negiz bolady.
Aıta keteıik, elimizde jalpyulttyq halyq sanaǵy 2021 jyldyń 1 qyrkúıegi men 30 qazany aralyǵynda ótedi. Sanaq «Qazaqstanda árkim mańyzdy! V Kazahstane kajdyı vajen!» urany aıasynda uıymdastyrylady.
"Adyrna" ulttyq portaly
