Toqaev: Egemendigimiz ben tutastyǵymyzdy buzǵysy kelgender zań boıynsha jaýapqa tartylady

3400
Adyrna.kz Telegram

Búgin Memleket basshysy Qasym-Jomart Toqaev halyqqa jyl saıynǵy Joldaý kezinde egemendigimiz ben tutastyǵymyzdy buzǵysy kelgender zań boıynsha jaýapqa tartylady, dep habarlaıdy "Adyrna" ulttyq portaly.

- Ulttyń uıysýy – odan ári damýdyń basty faktory. Qazir Qazaqstan múldem jańa dáýirge qadam basty. Soǵan sáıkes, qoǵamdyq ómirdiń barlyq salasy túbegeıli ózgerýde. Jahandy turaqsyzdyq jaılap, kóptegen syn- qater paıda bolyp jatqan kezde biz baǵdarymyzdy bekemdep, kózqarasymyzdy aıqyndaı túsýimiz qajet. Birligimiz – ár alýandyqta degen basty qaǵıdamyz eshqashan ózgermeıdi.

Sonymen qatar Memleket basshysy qoǵamdaǵy birlik pen kelisimdi kózimizdiń qarashyǵyndaı saqtaý kerektigine toqtalyp ótti.

- Orys tili BUU-daǵy resmı alty tildiń biri. Sondyqtan bul máselege parasattylyqpen qaraýymyz qajet. Elimiz órkenıetti dıalog pen ózara syılastyq mádenıetin dáripteýi kerek.  Qazaqstan halqy Assambleıasynyń bul saladaǵy róli aıryqsha. Biz otanymyz jáne barlyq azamatymyz úshin jaýapkershilikti sezinýimiz qajet,– dep málimdedi Qasym-Jomart Toqaev.

Osylaısha, "Egemendigimiz ben tutastyǵymyzdyń buzylýyna jol bermeımiz. Qoǵamdaǵy birlik pen kelisimdi kózdiń qarashyǵyndaı saqtaýymyz kerek. Etnosaralyq jáne konfessııaaralyq qatynastyń qanshalyqty mańyzdy ekenin barlyq azamatymyz túsinýi qajet. Biz qashanda alaýyzdyqqa qarsy tura bilgen elmiz. Tiline, ultyna, násiline qarap, kemsitýge, bireýdiń namysyna tııýge jol bermeımiz. Zań boıynsha jaýapqa tartamyz!»,– dep túıindedi sózin Memleket basshysy.

"Adyrna" ulttyq portaly

Pikirler