Búgin Taldyqorǵan qalasynyń Nazarbaev Zııatkerlik mektebinde jańa oqý jylynyń bastalýyna arnalǵan saltanatty is-shara ótti.
Bıyl 117 oqýshy keshendi testten joǵary nátıjege qol jetkizip, QR Tuńǵysh Prezıdentiniń «Órken» bilim grantyn ıelendi.
2020-2021 oqý jylynda 67 túlek syrtqy baǵalaýdyń qorytyndysy boıynsha joǵary nátıjeni kórsetti, onyń ishinde 19 túlek Nazarbaev ýnıversıtetiniń stýdenti atansa, 11 túlek AQSh, Koreıa, Italııa, Vengrııa jáne Reseı joǵary oqý oryndaryna tústi.
Túlegimiz Ertanatov Sezim álemdegi eń bedeldi ýnıversıtet, Plıý Lıgasynyń quramyna kiretin, ataqty Garvard ýnıversıtetiniń grant ıegeri atansa, Jemisbek Dılnaz álemdik úzdik júzdikke kiretin Koreıanyń KAIST joǵary oqý ornynyń grant ıegeri atandy.
«Sálem saǵan, Altyn uıa mektebim!» alǵashqy qońyraý saltanatty jıyny Qazaqstan Respýblıkasy Konstıtýııasynyń 25 jyldyǵy men Táýelsizdiktiń 30 jyldyǵy aıasynda ótkizildi.
Merekelerdiń sımvoldyq datasyna oraı Zııatkerlik mekteptiń bı ansambli «Birlik» bıin usyndy.
Barlyq synyptar úshin «Táýelsizdik» jáne «Qaýipsizdik» sabaqtary ótkizildi.
Mektep dırektory Vıktor Sosın Órken grantynyń ıegerlerin NZM atrıbýtymen syılap quttyqtady.
Sizderdi bizdiń mekteptiń qabyrǵasynda, úlken jáne meıirimdi NZM otbasynda qarsy alǵanyma qýanyshtymyn. Búgingi kúndi este saqtaýǵa tyrysyńyz. Óıtkeni búgin sizder ómirińizdiń jańa betin ashasyzdar. Aldaǵy ýaqytta sizderdi kóptegen jetistikter men jańalyqtar kútip tur. Oqýda sáttilik pen tamasha nátıje tileımin », - dedi mektep dırektory Vıktor Sosın.
Órken grantynyń ıegeri Aqberen Bolathan eki jyl boıy Zııatkerlik mektebine túsý úshin daıyndaldy, sebebi bul onyń armany edi. NZM-ge túsýge degen umtylysyn ata-anasy da, muǵalimderi de qoldady. Óıtkeni, Aqberen tek oqýǵa ǵana emes, matematıkadaǵy olımpıadalyq qozǵalysqa qatysýǵa maqsat qoıýda. Sonymen qatar, ol poezııany jaqsy kóredi. Onyń súıikti avtory - Muqaǵalı Maqataev. Aqberen adamnyń múmkindikteri sheksiz dep sanaıdy, sondyqtan jetistikke jeteleıtin múmkindikterin jiberip almaýymyz kerek deıdi óz suhbatynda.
