Memleket basşysy Premer-Ministr Asqar Mamindı qabyldady. Būl turaly Aqorda jazdy, dep habarlaidy «Adyrna» tılşısı.
Qasym-Jomart Toqaevqa biylǧy Joldaudy jüzege asyru şaralary turaly baiandaldy.
Premer-Ministr Qazaqstan Prezidentınıŋ Joldauyndaǧy barlyq baǧytty jüzege asyru üşın 7 qyrküiekke deiın Jalpyūlttyq jospar äzırlenıp, Memleket basşysyna bekıtuge engızıletının jetkızdı. Atalǧan jospar ekonomikanyŋ ornyqtylyǧy men bäsekege qabılettılıgın qamtamasyz etuge baǧyttalǧan şaralardy, azamattardyŋ äl-auqatyn jaqsartudy, densaulyq saqtau jüiesı men bılım beru sapasynyŋ tiımdılıgın arttyrudy jäne aimaqtyq saiasatty jetıldırudı qamtidy.
Asqar Mamin elımızdegı sanitarlyq-epidemiologiialyq ahualdyŋ jaqsaryp kele jatqanyn mälımdedı. Onyŋ aituynşa, soŋǧy ekı aptanyŋ ışınde virustyŋ taralu indeksı 1-den asqan joq, bügıngı körsetkış – 0,87 bolyp tūr. Jūqpaly aurular jäne jansaqtau bölımderındegı nauqastar sany 40 paiyzǧa azaiǧan. Qazırgı uaqytta 6,7 million adam vaksinanyŋ bırınşı komponentın qabyldasa, 5,5 million azamat ekpenı tolyq alǧan.Sonymen qatar Qasym-Jomart Toqaevqa importqa täueldılıktı tömendetuge jäne äleumettık maŋyzy bar azyq-tülık tauarlary baǧasynyŋ qūbyluyna jol bermeuge qatysty aldaǧy uaqytta atqarylatyn jūmystar jönınde, egın jinau nauqanynyŋ barysy men elımızdegı ekonomikalyq damudyŋ basqa da özektı mäselelerı turaly aityldy. Kezdesu soŋynda Prezident Premer-Ministrge Joldaudy tolyq jüzege asyruǧa baǧyttalǧan bırqatar naqty tapsyrma berdı. Memleket basşysy elımızdegı äleumettık-ekonomikalyq jaǧdaidy tübegeilı jaqsartu üşın Ükımet pen aimaq äkımderınıŋ üilesımdı ärı tiımdı jūmysy asa maŋyzdy ekenın atap öttı.
«Adyrna» ūlttyq portaly
Ūqsas jaŋalyqtar
