Bügın, 27 tamyzda Tekelı qalasynyŋ Jastar ortalyǧynda Qazaqstan Respublikasy Täuelsızdıgınıŋ 30 jyldyǧy aiasynda «Qazaqstandyq jol – Tekelı qalasynyŋ 30 jyldyq jemıstı belesterı» atty döŋgelek üstel ūiymdastyryldy.
Jiynǧa qala äkımınıŋ orynbasary S.Bolysbaiūly, «Tekelı qalasynyŋ «Şarapat-Sauap» korporativtık qorynyŋ töreǧasy» B.Faizulla, Almaty oblysy mäslihatynyŋ deputaty, Tekelı qalasy Mädeniet üiınıŋ direktory K.Nesterov, Tekelı qalalyq mäslihatynyŋ deputaty, Käsıpkerler palatasynyŋ direktory T.Jūmadılov, Tekelı qalasynyŋ ışkı saiasat bölımı basşysy N.Şohanova, «Tekelı qalasynyŋ jūmyspen qamtu jäne äleumettık baǧdarlamalar bölımı» memlekettık mekemesınıŋ basşysy orynbasary E.Qasenova qatysty.
Döŋgelek üstel barysynda Tekelı qalasynyŋ äleumettık-ekonomikalyq, qoǧamdyq jetıstıkterıne, sondai-aq Qazaqstan Respublikasynyŋ Tūŋǧyş Prezidentı – Elbasy N.Nazarbaevtyŋ täuelsız memlekettı nyǧaitudaǧy tarihi rölıne nazar audara otyryp, Täuelsızdık jyldaryndaǧy memlekettık qūrylystyŋ negızgı qorytyndylary men perspektivalary talqylandy.
