Bügıngı künı Maŋǧystau oblysynda sportty damytuda sportşylardyŋ talabyn qanaǧattandyru, tūrǧyndardyŋ bos uaqyttaryn dūrys ūiymdastyru, būqaralyq sport pen salauatty ömır saltyn nasihattau maqsatynda jūmystar jüielı türde atqarylyp keledı.
Osy oraida biyl Maŋǧystau oblysy Tüpqaraǧan audany Aqşūqyr auylynda 160 oryndyq dene şynyqtyru-sauyqtyru sport keşenı salynuda. Qūrylysy qarqyndy jürıp jatqan sport keşenınıŋ jūmys barysymen öŋır basşysy Serıkbai Trūmov Tüpqaraǧan audanyna jasaǧan jūmys saparynda tanysty.
Jospar boiynşa sporttyŋ 11 türın (futbol, voleibol, basketbol, qazaqşa küres, dziudo, boks, gimnastika, asyq atu, sadaq atu, toǧyzqūmalaq) damytu jüzege asuy tiıs sport keşenı aldaǧy küz ailarynda halyq igılıgıne berıletın bolady.
22 jattyqtyruşymen qamtylatyn sport keşenınıŋ qabyrǧasynan bolaşaq älem chempiondaryn şyǧaru közdelıp otyr.
Qūrylys jūmystaryn aralaǧan öŋır basşysy Serıkbai Trūmov:
— Keşennıŋ sapaly boluyn eŋ basty nazarda ūstauymyz qajet. Būqaralyq sport - halyq densaulyǧynyŋ kepılı, sporttaǧy jetıstık ataulynyŋ baspaldaǧy, — dedı.
"Adyrna" ūlttyq portaly.
