Qapşaǧaida jalǧan polisei ūstaldy. Ol ışkı ıster organdarynda jūmys ısteimın dep özgenıŋ 737 myŋ teŋge aqşasyn iemdengen.
Almaty oblystyq polisiia departamentı baspasöz qyzmetınıŋ mälımetınşe, Qapşaǧai qalasynyŋ polisiiasyna 21 jastaǧy tūrǧynnan aryz tüsken. Ol özın poliseimın dep tanystyrǧan er adamnyŋ senımıne kırıp, aqşa alǧanyn jetkızgen. Bıraq qarajatty qaitarmaǧandyqtan, ol polisiiaǧa aryzdanǧan.
Jedel ızdestıru kezınde 23 jastaǧy küdıktı ūstaldy. Qazır onyŋ üstınen QR Qylmystyq kodeksınıŋ 190-baby, 1-bölıgı, iaǧni, «Alaiaqtyq» boiynşa qylmystyq ıs qozǧalyp, tergeu jürıp jatyr.
"Tärtıp saqşylary onyŋ ne sebeptı özın poliseimın dep tanystyryp, qandai maqsatpen aqşa alǧanyn, sonymen qatar, özge qylmystarǧa qatysy bar-joǧyn anyqtap jatyr", - delıngen Almaty oblystyq polisiia departamentınıŋ habarlamasynda.
Departament ūstalǧan adamnyŋ polisiia qyzmetkerı emes ekenın jäne onyŋ būl jūmysqa müldem qatysy joq ekenın mälımdedı. «Tergeu barysynda anyqtalǧandai küdıktı jäbırlenuşınıŋ senımıne kırıp, 737 myŋ teŋge aqşasyn iemdengenı anyqtaldy. Jäbırlenuşı der kezınde polisiiaǧa şaǧymdanǧandyqtan küdıktı de der kezınde ūstaldy», - dep tolyqtyrdy polisiianyŋ baspasöz qyzmetı.
