1992-2001 jyldary täjık-auǧan şekarasynda bolǧan qaqtyǧysqa qatysqan almatylyq ardagerler Qazaqstan Respublikasy Qaruly Küşterınıŋ Joǧarǧy Bas qolbasşysy, Memleket basşysy Q.Toqaevtyŋ būiryǧyna baǧynatynyn, elge adal qyzmet etetınderın, elımızde tırkelmegen "El tıregı" partiiasyn qoldamaityndaryn jetkızdı dep habarlaidy "Adyrna" ūlttyq portaly.
"Bız eşbır partiiaǧa tırkelgen joqpyz jäne "El tıregı" partiiasyna qosylmaityndyǧymyzdy, būl ūiymǧa eşqandai qatysymyz joq ekenın jetkızemız.
Qasym-Jomart Toqaev myrza, bız, täjık-auǧan qaqtyǧysynyŋ ardagerlerı, sızdı jäne sızdıŋ jürgızıp otyrǧan saiasatyŋyzdy qoldaimyz. Bız sızdıŋ ardagerler qauymyna jasaǧan jaqsylyǧyŋyzdy ūmytpaimyz. Sızdıŋ ötken jylǧy 6 mamyrda Ūly Otan soǧysynyŋ 75 jyldyǧyna orai qol qoiǧan "Ardagerler turaly" Zaŋ aiasynda bügınde bızge köptegen kömekter berılude. Bız būl qamqorlyq pen quanyşty 20 jyl küttık. Sondyqtan bız, almatylyq ardagerler, ärdaiym sızdıŋ saiasatyŋyzdy qoldaitynymyzdy, eşqandai partiia qūramynda emes ekenımızdı aitqymyz keledı", — dedı almatylyq ardagerler.
Aita ketu kerek, biyl mausym-şılde ailarynda elımızde tırkelmegen "El tıregı" partiiasy belsendılerı men 1990-jyldary auǧan-täjık şekarasynda äskeri qyzmet atqarǧan bır top ardager şeruge şyǧyp, özderınıŋ aryz-talaptaryn jetkızgen bolatyn.
https://youtu.be/600RsDi78fQ
"Adyrna" ūlttyq portaly.
