İt pen mysyqqa chip salynyp, barlyq mälımet bıryŋǧai derek bazasyna engızıledı, dep habarlaidy «Adyrna» tılşısı «Habar 24»-ke sılteme jasap.
Almatyda üi januarlarynyŋ sanyn gumanistık tūrǧydan retteitın osyndai joba qolǧa alyndy. Mūnyŋ aiasynda qaŋǧybas it pen mysyqty sterilizasiiadan da ötkızu qarastyrylǧan. Almatyda aldaǧy üş jylda 45000 üi januaryna mikrochip salu josparlanǧan. Būl qaŋǧybas it pen mysyqtyŋ sanyn azaituǧa, sondai-aq olardyŋ joǧalyp ketpeuıne kömektesedı. Iаǧni, iesın tauyp, üige qaitaruǧa mümkındık bermek. Al januarlar turaly barlyq mälımetter Pet Control arnaiy derekter qoryna engızıledı. Būl baǧdarlama ūstap alynǧan nemese tabylǧan it pen mysyqtyŋ jäi-küiın anyqtap beredı.
«Eger qarausyz jürgen ittı ūstap alǧan jaǧdaida ony uaqytşa ūstau izoliatoryna ornalastyrady.Sol jerde klinikalyq tekseruden ötedı. Chipınıŋ bar-joǧyn qaraidy. Pet Control mälımetter bazasynan iesınıŋ qaida tūratynyn anyqtap, onymen habarlasyp qaita tabystaidy. 408-bap boiynşa üi januaryn ūstau men seruendeu erejelerın būzǧan jaǧdaida jauapqa tartyluy da mümkın»,– dedı qalalyq käsıpkerlık jäne investisiia basqarmasy veterinariia bölımınıŋ basşysy Äigerım Jaqsylyq.Qaŋǧybas it pen mysyqtyŋ sanyn azaituǧa baǧyttalǧan taǧy bır baǧdarlama - sterilizasiia men kastrasiia. Üş jyl ışınde būl proseduradan 28 myŋ üi january ötedı. Sterilizasiiany jylyna ekı ret - aqpan men tamyz ailarynda jürgızu josparlanyp otyr.
«Bızde osy mäselege tūrǧyndar bei-jai qaraidy. İt nemese mysyǧy balalaǧan soŋ ony köşege tastap kete beredı. Jauapkerşılık almaidy. Būǧan jol bermes üşın üi januarlaryn sterilizasiiadan ötkızıp otyru kerek. Bıraq oǧan köpşılık aqşasyn qimaidy. Qaŋǧybas üi januarlarynyŋ basym bölıgı būryn qolda ūstalǧan. Olardyŋ köbı seruendeuge bos jıbere salǧandyqtan joǧalyp ketken»,– dep mälımdedı qoǧamdyq qordyŋ prezidentı Iýliia Kovalenko.Osy jyly üi januarlaryn tegın sterilizasiialau jäne kastrasiialau baǧdarlamasy aiasynda 4 myŋǧa juyq it pen mysyq qamtylmaq. Oǧan 50 mln teŋgeden astam qarajat bölındı. Sonymen qatar januarlarǧa qūtyrmaǧa qarsy vaksina egıledı. Būl jūmystar osy aidyŋ ortasynda bastalyp, 2024 jylǧa deiın jalǧasady. Üi januarlary panalaityn oryndar da nazardan tys qalmaidy. Būl maqsatqa biudjetten 4 millionnan astam teŋge jūmsalady.
«Adyrna» ūlttyq portaly
