Memleket basşysy Q.K.Toqaev altynşy şaqyrylymdaǧy Parlamenttıŋ 6-sessiiasyna qatysyp, Qazaqstan halqyna arnaǧan kezektı Joldauyn jariialady.
Qoǧamda köpten berı talqylanyp kele jatqan jerge bailanysty jerımızdıŋ şeteldıkterge satylmaitynyn mälımdep, el Ükımetıne auyl şaruaşylyǧy jerlerın tolyqqandy ekonomikalyq ainalymǧa engızudıŋ özge ädıs-täsılderın äzırleu boiynşa naqty tapsyrma berdı.
Memleket basşysy Qazaqstannyŋ ekonomikalyq baǧyty 7 negızge süienu kerektıgın meŋzep, ekonomika halyqtyŋ äl-auqatyn jaqsartuǧa jūmys ısteuı tiıstıgıne toqtaldy. Prezidentınıŋ aituynşa, igılık pen mındettı teŋ bölu, jeke käsıpkerlıktıŋ jetekşı rölı, jaŋa käsıpkerlerge arnalǧan naryqty qalyptastyryp, ädıl bäsekelestıkke jaǧdai jasau – negızgı baǧyttar qatarynda bolmaq. Sonymen qatar, öndırıstı arttyru, kürdelı ärı tehnologiialyq ekonomikaǧa iek artu; adam kapitalyn damytyp, investisiia men bılımnıŋ jaŋa türın qalyptastyru; ekonomikany jasyldandyryp, qorşaǧan ortany qorǧau; memlekettıŋ negızdelgen şeşımder qabyldap, qoǧam aldynda sol üşın jauap beruın qamtamasyz etu – basymdyqtar qataryna kıredı.
Sonymen qatar, Prezident Qasym-Jomart Kemelūly Toqaev öz joldauynda memleketımızdıŋ ekonomikalyq äleumetın köteru mädeni ruhani damuyn jetıldıru halyqtyŋ tūrmys jaǧdaiyn jaqsartu mäselelerıne barynşa nazar audardy. Qazaqstan Respublikasynyŋ Prezidentıne tıkelei baǧynatyn strategiialyq josparlau jäne reformalar agenttıgı qūrylyp elımızdıŋ jaqsy örkendep damuynyŋ körsetkışterın naqtylap jasau jüzege asyryldy. Memlekettık qyzmetkerlerdıŋ sany ekı jylǧa 25%-ǧa qysqaryp, olardyŋ jalaqysy köterılıp, jauapkerşılıgın arttyru mälesı qozǧaldy.
Aldaǧy uaqytta Memleket basşysy mejelep bergen baǧytty nyq ūstap, ekonomikamyzdy jaqsartu jolynda jūmylǧan jūdyryqtai jinaqy jūmys ısteuımız qajet.
Saltanat Autenova, qarjyger.
"Adyrna" ūlttyq portaly
