Shandoz án sheberi, aqyn, halyq kompozıtory, kúıshi-dombyrashy Muhıt Meráliulynyń Orynbor, Qostanaı, Jamanqala, Qazaly, Troık, Aqtóbe, Aral, Atyraý oblystaryn aralap, jármeńkelerge qatysyp, dańqy shyǵyp, Ánshi Muhıt, Sal Muhıt atanǵanyn tarıhtan bilemiz. Muhıt mátinde beınelengen oılaý formalarynyń sezimdik áserin áýen arqyly jetkizip, tyńdaýshylaryn estetıkalyq-emoıonaldyq kóńil-kúıde qaldyra bilgen. Onyń halyq arasyna keń taraǵan «Aınamkóz», «Úlken Aıdaı», «Kishi Aıdaı», «Záýresh», «Pańkóılek», «Dúnıe», «Aq Iis» ánderi – mýzyka mádenıeti tarıhynyń klassıkalyq úlgileriniń baǵa jetpes qazynasy.
BQO Qaratóbe aýdanynda 24-26 tamyz aralyǵynda Muhıt Meráliulynyń 180 jyldyǵyna oraı «Án qudiretin asqaqtatqan Muhıt sal» atty 3 kezeńnen turatyn respýblıkalyq ánshiler baıqaýy ótti. «Alataý» dástúrli óner teatrynyń Oryndaýshylar quramynyń artısteri atalmysh baıqaýǵa qatysyp, Qaıratbek Bektursyn III oryn ıelenip, laýreat bolsa, Abılbaev Raýan Baýyrjanuly dıplomant atandy.
Áriptesterimizdi quttyqtaımyz. Bıikterden kórine berińizder!
Qýanysh Jumabekuly
«Alataý» dástúrli óner teatry
Ádebıet bóliminiń basshysy
