Jemqorlyqpen qoǧam bolyp küreseiık!

Bügıngı qoǧamnyŋ eŋ negızgı auru tūsy – jemqorlyq. Ol batpandap kırıp, mysqaldap şyǧatyn auru. Mūny qazırden aldyn alyp, em-şara jasamasa öte qatty asqynsa, eldı būzyp, qoǧamdy ırıtetın dert. «Bızdıŋ eldı damytuǧa jäne halyqtyŋ äl-auqatyn arttyruǧa baǧyttalǧan josparlarymyz jemqorlyqty tübegeilı joiǧan jaǧdaida ǧana jüzege aspaq», – degen edı prezidentımız Qasym-Jomart Toqaev. Jyl saiyn halyqtyŋ äl-auqatyn jaqsartu üşın jüzege asyrylyp jatqan jobalarǧa jūmsalǧan qyruar qarjynyŋ talan-tarajǧa salynbai öz maqsatyna jūmsaluy – eldı örge süireitın ürdıs. Al, jemqorlyqqa jol berılgen qoǧamda ädılettılık bolmaidy. Qazırgı taŋda, memleket jemqorlyqpen kürestıŋ är türlı ädısterın qoldanyp jatyr. Memlekettık körsetıletın qyzmetterdıŋ elektrondy jüiege auysuy, memlekettık qyzmetke ümıtkerlerdıŋ baiqauyna täuelsız baqylauşylardyŋ qatysuy, auyl äkımderın aşyq jariialy türde halyq sailaityn qūqyq berıluı t.b. Jemqorlyqpen memleket bır özı kürese almaidy, onymen qoǧam bolyp, bır jaǧadan bas, bır jeŋnen qol şyǧaryp, bırıge küresu kerekpız. Jemqorlyqtan arylu üşın qoǧamnyŋ sanasy da özgeruı kerek. Säl qiyndyq bolsa, ony para berıp şeşe bere almaitynyn tüsınıp, kerısınşe ondai joldan özın aulaq ūstasa, para aluşy da bolmas edı. Bız, ärqaisymyz, mäselenı para berıp şeşemız degen sanamen ömır süre beretın bolsaq, bızdıŋ balalarymyzǧa tek auru qoǧamdy amanat etemız. Sonymen qatar, para bergen adam para alǧan adammen teŋdei jauapqa tartylatynyn da ūmytpaiyq! Jemqor qoǧamnyŋ bolaşaǧy joq! Bolaşaǧymyzǧa balta şappaiyq!