Bügın «Otandastar qory» KEAQ ūiymdastyruymen Qazaqstan Respublikasynyŋ Prezidentı Qasym-Jomart Toqaevtyŋ halyqqa joldauy talqylandy.
Jiynǧa Qoǧam basşylyǧy, qoǧam belsendılerı, sarapşylar, jurnalister men student jastar qatysty.
Is-şara aiasynda qatysuşylar Memleket basşysynyŋ Auǧanstandaǧy ahualǧa bailanysty aitqandaryn qoldaitynyn jetkızdı.
«Qazırgı kezde Auǧanstandaǧy jaǧdai bärımızdı alaŋdatyp otyr. Būl, äsırese, sol jaqtaǧy qandastarymyzdyŋ hal-ahualyna bailanysty. Būl öte kürdelı jäne jan-jaqty qaraudy talap etetın maŋyzdy mäsele. Osy oraida «Otandastar qory» elımızdıŋ Syrtqy ıster ministrlıgımen bırlesıp, qoldan keletın tiıstı jūmysty bastap ta kettı», - dedı «Otandastar qory» KEAQ vise-prezidentı Maǧauiia Sarbasov.
Sondai-aq ol äleumettık jelıde taraityn ärtürlı jalǧan aqparatqa senıp qalmauǧa şaqyrdy.
«Soŋǧy kezde Auǧanstannan myŋdaǧan bosqyn keledı, ol jaqta myŋdaǧan qazaq tūrady degen aqparat äleumettık jelı men messendjerlerde tarap jatady. Būl şyndyqqa janaspaitynan atap ötkım keledı. Sondyqtan da azamattardy tek resmi aqparatqa, Syrtqy ıster ministrlıgınıŋ mälımetterıne süienuge şaqyramyn. Sebebı sarapşylardyŋ aituynşa, özın qazaqpyz dep tanystyratyn adamdardyŋ köbı qazaq bolmai şyǧady. Tıptı ol jaqta auǧan memlekettık mekeme ökılderıne para berıp, ūltyŋ rastaityn qūjatty qoldan ıstep aluǧa bolady degen de mälımet bar. Bızdıŋ elşılıktegı qyzmetkerler är jaǧdaidy jeke ärı mūqiiat qarap, elımızge kömekke zärı är qanadasymyz aman-esen oralatynyna senımdımın», - dedı «Otandastar qory» KEAQ vise-prezidentı.
