Atyraýda Tokıo olımpıadasynan jeńispen oralǵan sportshylarǵa páterler men avtokólikter tabystaldy

3437
Adyrna.kz Telegram

Atyraý oblysynyń ákimi Mahambet Dosmuhambetov Japonııa eliniń Tokıo qalasynda ótken 16-shy jazǵy paralımpıadaǵa qatysqan jerlesterimizdi marapattady.

El abyroıyn asqaqtatqan júldegerlerlerdiń árqaısysyna eki bólmeli páter men avtokólik kilti tabystaldy. Sondaı-aq, Paradzıýdodan Qazaqstan Respýblıkasynyń bas jattyqtyrýshysy Jandos Qııanovqa 4 mıllıon teńge, ózge de atalǵan dodaǵa qatysýshylarǵa 1 mıllıon teńgelik sertıfıkattar tabystaldy.


Jerlesterimiz elge oralǵanda oblys ákimdigi buǵan deıin de ár sportshyǵa 1 mıllıon teńgeniń sııapatyn jasaǵan bolatyn.

El quramasy sapyndaǵy 8 atyraýlyq sportshynyń 3-ýi el qorjynyna kúmis júlde salǵan edi.

Olar paradzıýdoshylar: Ánýar Sarıev, Temirjan Dáýlet jáne Zarına Baıbatına. Al, Amanjol Janbota osy sport túrinen 5-oryndy, Nurlan Dombaev parataekvondodan 5-oryndy, Erjan Sálimgereev parajúzýden 6-oryndy ıelendi.

«Sizder Qazaqstannyń parasporty damýynyń jańa dáýiri bastalǵanyn kórsettińizder.
Bul – qajyrly eńbek pen bıik namystyń, órshil rýhtyń jeńisi.Erjan Sálimgerev pen Nurlan Dombaevtyń alǵashqy qatysqan paralımpıadasynan 5-6-shy oryn alýynyń ózi — aıtýly jetistik! Árbir atyraýlyq parasportshy altyn medalge laıyq óner kórsetti. Sizderdiń árqaısyńyz jeńimpazsyzdar!" dedi aımaq basshysy Mahambet Dosmuhambetov.

Paradzıýdodan Qazaqstan Respýblıkasynyń bas jattyqtyrýshysy Jandos Qııanov Tokıo tórinde sportshylarymyzdyń laıyqtyqty óner kórsetkenin atap ótti.

Al, el qorjynyna alǵashqy kúmis medal syılaǵan paradzıýdoshymyz Ánýar Sarıev jeńistiń ońaıǵa túspegenin aıtty.
«Alǵan medalimdi Qazaqstan Respýblıkasynyń 30 jyldyǵyna arnaımyn. Bizge qoldaý bildirgen árbirińizge alǵys aıtamyn»,-dedi júldeger.

Pikirler