Bankter qazaqstandyqtardyŋ aqşasyn negızsız esepten şyǧaryp otyrǧan. Qaryz aluşylardyŋ aqşasy bankter belgılegen limitten joǧary kölemde esepten şyǧarylyp otyrylǧan, dep habarlaidy «Adyrna» tılşısı QR Bas prokuraturasynyŋ baspasöz qyzmetıne sılteme jasap.
Qadaǧalau organy bankterdıŋ azamattardan olardyŋ nesielerı men qaryzdary boiynşa artyq aqşa qarajatyn ūstap qalu faktılerın anyqtady.
Eŋbek kodeksınde (115-bap) jäne «Qazaqstan Respublikasynda zeinetaqymen qamsyzdandyru turaly» Zaŋynda (23-bap) tiesılı jalaqy men zeinetaqy somasynyŋ 50%-ynan astamyn öndırıp aluǧa tyiym salynǧan.
Alaida bankter («Kaspi Bank», «Euraziialyq bank», «Qazaqstan Halyq bankı», «Houm Kredit end Finans Bank» AQ) azamattardyŋ şottaryndaǧy aqşalai qarajattaryn bekıtılgen tyiymnan joǧary kölemde esepten şyǧarǧan.
Mysaly, «Kaspi Bank» AQ Öskemen qalasy tūrǧynynyŋ eŋbekaqy aluǧa arnalǧan banktık şoty boiynşa «Qazaqstan Halyq Bankı» AQ-ǧa tölem talabyn qoiǧan.
Osy talap tüskenge deiın jūmys beruşı aliment tölemderı üşın eŋbekaqynyŋ jartysyn ūstaǧan bolatyn. Nätijesınde, barlyq ūstalynǧan somalardan keiın onyŋ esep aiyrysu şotynda nebary 16 myŋ teŋge (25%) qalǧan.
Sot şeşımımen talapkerdıŋ paidasyna artyq ūstalǧan soma öndırılıp alyndy, bıraq ol üşın sot daularyna 9 ai uaqyt kettı.
Osyndai faktıler Aqtöbe, Qaraǧandy, Jambyl, Qostanai jäne Soltüstık Qazaqstan oblystarynda anyqtaldy.
«Adyrna» ūlttyq portaly
