QR Bılım jäne ǧylym ministrı Ashat Aimaǧambetov Aqtöbe oblysyna arnaiy ıssaparmen keldı. Ministr oblystaǧy joǧary jäne arnauly oqu oryndarynda bolyp, pedagogtarmen kezdestı dep habarlaidy "Adyrna" ūlttyq portaly.
Oblys äkımı Oŋdasyn Orazalin men ministr Ashat Aimaǧambetov eŋ aldymen jūmys saparyn Q.Jūbanov atyndaǧy Aqtöbe öŋırlık universitetınıŋ professor-oqytuşylar qauymymen kezdesuden bastady.
Ministr bılım ordasynyŋ ūjymyna «Bolaşaq» baǧdarlamasynyŋ tülegı, gumanitarlyq ǧylymdar magistrı, Nazarbaev universitetınıŋ doktoranty Laura Qarabasovany rektor etıp taǧaiyndap, ūjymmen tanystyrdy.
Atap öteiık, ministr Aqtöbenıŋ tumasy, osy universitettıŋ tülegı bop sanalatyn jaŋa rektor L.Qarabasovanyŋ qyzmetıne sättılık tılep, öŋırlık universitettı alǧa jyljytu baǧytynda zor senım artylyp otyrǧanyn aityp öttı.
Būdan keiın ministr Aqtöbe joǧary politehnikalyq kolledjınde bolyp, «Jas maman» jobasynyŋ jūmysymen tanysty. Kolledjde köptegen jastar auylşaruaşylyǧy, mūnai jäne gaz, elektrmen jabdyqtau baǧytynda bılım aluda. Kolledj studentterınıŋ şyǧarmaşylyq jūmystarymen tanysyp, ıs-täjıribesıne köz jıbergen ministr memleket tarapynan bılım salasyna jasalyp jatqan qoldau tūrǧysyndaǧy jūmystarǧa toqtalyp öttı.
Ministrdıŋ jūmys sapary Batys şaǧyn audanynda ornalasqan «Bılım» mektep-gimnaziiasynda jalǧasty. Jeke käsıpkerdıŋ qarjysyna tūrǧyzylǧan jaŋa nysannyŋ ışın aralap körgen bas ūstaz zamanaui talaptarǧa sai jabdyqtalǧan klastarǧa özınıŋ oŋ baǧasyn berıp öttı.
Jūmys saparynyŋ soŋynda ministr A.Aimaǧambetov öŋır basşysy O.Orazalinmen bırge oblys äkımdıgınde aimaqtyŋ bılım salasynyŋ qyzmetkerlerı, pedagogikalyq qauymdastyǧymen, mektep direktorlarymen ūiymdastyrylǧan kezdesuge qatysyp, Memleket basşysynyŋ Joldauynda aitylǧan basymdyqtarǧa toqtaldy.
- Memleket basşysy bılım-ǧylym sapasyn arttyru baǧytynda aldymyzǧa naqty tapsyrmalardy qoiyp otyr. Pedagog märtebesın köteru, mektep qūrylysyn arttyru, joǧary jäne arnauly bılım mekemelerın qoldau boiynşa elımızde köptegen jūmystar atqarylyp jatyr. Aldaǧy uaqytta Prezident tapsyrmasyn oryndau boiynşa elımızde myŋnan astam mektep salynady. Aqtöbe oblysynda da 20 mekteptıŋ qūrylysy jürgızılude. Bız oblys äkımımen bırge bılım salasyn qoldau baǧytynda ekıjaqty memorandumǧa qol qoidyq. Sapaly bılım beru men ūstazdar qauymyn qoldau tūrǧysynan kelgende Aqtöbe oblysynyŋ äleuetı öte joǧary. Öŋırde jasalǧan jūmystar öte köp, bırlesıp atqaratyn jūmystar öz jalǧasyn tabatyn bolady, - dedı A.Aimaǧambetov.
Jūmys saparynyŋ soŋynda Ashat Aimaǧambetov bılım salasyndaǧy oŋ özgerısterge köŋıl bölıp, ūstazdar qauymyna köp qoldau körsetıp kele jatqan oblys äkımıne alǧysyn bıldırdı.
"Adyrna" ūlttyq portaly.
