Bıyl memlekettik qarjylyq qoldaýdan úmitti kınojobalardyń ashyq qorǵaýyna «Qazaqfılm» kınostýdııasynyń 42 jobasy jiberildi, dep habarlaıdy «Adyrna» tilshisi.
«Bul joly kınostýdııa el Prezıdenti Qasym-Jomart Toqaevtyń taıaýdaǵy Joldaýyn negizge ala otyryp, ózin túrli janrda synap kóretin jas rejısserlerge senim artty. Postapokalıptıkalyq kıberpankterden psıhologııalyq trıllerlerge deıin. Janr, stıl jáne oqıǵalardyń alýan túrliligi Saraptama keńesiniń múshelerin tań qaldyrdy»,— dep málimdedi Ulttyq kınony qoldaý memlekettik ortalyǵynyń baspasóz qyzmeti.
Kınoprodıýser retinde ózin synap kórýge bel býǵan tanymal aktrısa Ásel Saǵatova eki qyzyqty jobany tanystyrdy. Birinshisi – fentezı stılindegi kıberpank, referens retinde Marvel stýdııasynyń «Djessıka Djons» atty tanymal serıalyn alǵan. Bul kartına arqyly otandyq kınoda alǵashqy sýperqaharman áıel beınesi paıda bolady. Avtorlar fılm rejısseri retinde Jasulan Poshanovty kóredi. Ekinshisi – «eles qala» týraly mıstıkalyq trıller. Negizgi lokaııa retinde Arqalyq qalasy usynylǵan. Á.Saǵatovanyń aıtýynsha, ol qalada mundaı jobany túsirýge arnalǵan, úreı týǵyzatyn jerler kóp.
«Detı voıny» jobasynyń tızerin usynǵan rejısser Farhat Sháripov óz prezentaııasynyń aýqymdylyǵymen jáne daıyndyǵymen jaqsy áser qaldyrdy. Sondaı-aq, áskerı drama janrynda Keńes Odaǵynyń eki márte batyry, ushqysh Talǵat Bıgeldınov týraly «Shtýrmovık 13» kartınasy usynyldy. Degenmen, Saraptama keńesiniń músheleri bul jobany áli de pysyqtaý qajet dep sanaıdy. Sonymen qatar, Saraptama keńesi jas rejısser Rasýl Sharafeddınovke «Otdel» fılminen telearnalarǵa arnalǵan kóp serııaly serıaldy jasaýdy usyndy. Bul keńse qyzmetkerleriniń kúndelikti ómiri týraly fılm jáne avtorlar referens retinde áıgili «Ofıs» serıaly men «Garaj» fılmin atap ótti.
Kóptegen jobalar psıhologııalyq trıller men otbasylyq drama janrlarynda usynyldy. Bul taqyryp bizdiń kınematografısterdi qatty tolǵandyratyny anyq kórindi.
«Adyrna» ulttyq portaly
