Almaty oblysynda taǧy bır jel elektrstansiiasy salynady

Quattylyǧy 50 MVt bolatyn nysan saialy Sarqan audanynda tūrǧyzylady dep habarlaidy audan äkımdıgınıŋ baspasöz qyzmetı. Lepsı öŋırınde salynyp jatqan JES-sy negızınen jeke qarajat esebınen jüzege asyrylyp jatqan audandaǧy eŋ ırı joba. Jauapty «VES Abai – 2» JŞS. Aqparlarynşa, qūrylysy kezeŋ-kezeŋımen josparlanǧan elektrstansiia 2019 jyly bastalyp, 2022 jyldyŋ soŋyna deiın aiaqtalady. Aldymen keŋ jazyqqa jol salynyp. Bügıngı künı jūmystary qarqyn alǧan mūnymen qosa qondyrǧylardyŋ negızın qūiyp bastalypty. Qūrylys aimaǧynda 100-ge juyq azamat jūmys ısteude. «Mūndai elektr quatyn öŋdeitın stansiia Qapşaǧai qalasynda bar bolsa, endı audanymyzdyŋ Lepsı aimaǧynda bolmaq. Bıraq quattylyǧy jaǧynan basym tüsedı. Iаǧni, jylyna mūnda 50 MVt toq közı öŋdırıledı. Jyl soŋyna deiın 6 qondyrǧy ornatylyp, ıske qosylu josparlanyp otyr», - dep bölıstı audan äkımı Talǧat Qanatūly. Lepsı auylynan 80 km qaşyqtyqta ornalasqan stansiia keŋ jazyqta ornalasqan jeldı aimaq. Jeldıŋ ötınde ornalasqan jaipaŋ meken bolǧandyqtan būndai jaryq quatyn öŋdeitın mūnaralar üşın taptyrmas jer. Biıktıgı 100 metr, ainalǧyş qanattary 70 metr bolatyn mūnaranyŋ sany 16 bolady. Olardyŋ bıreuınıŋ özı 3,2 MVt öŋdeuge qauqarly. Osyndai ırı ärı tiımdı jobalardyŋ arqasynda audanǧa investisiia tartylyp, jaŋa jūmys oryndary aşylyp öŋırımızdıŋ odan ärı damuyna öz septıgın tigızedı degen söz. Aita keteiık, jel elektrstansiiasynyŋ salynu jūmystaryna jeke qarajat esebınen 19 mlrd.teŋge investisiia tartylǧan.