Rejısser Farhat Sháripovtiń "18 kıloger" fılmi XVII Qazan halyqaralyq musylman kınofestıvalinde Gran-prı jeńip aldy dep habarlaıdy "Adyrna" ulttyq portaly.
Sondaı -aq fılm úzdik operatorlyq jumys úshin beriletin marapatqa da ıe boldy (Aleksandr Plotnıkov).
"18 kıloger" – 90-jyldardyń sońyndaǵy jasóspirimderdiń ómirinen syr shertetin fılm. Zara Esenamannyń "Hardkor" romany boıynsha túsirilgen fılm Qazaqstanda 2021 jyly aqpanda shyqqan bolatyn.
"18 kıloger – eresekter estimeıtin dybys jıiligi. Fılm jasóspirimder problemalaryna arnalǵan. Eseıe kele jyl saıyn jas býynnyń qıyndyqtaryn túsiný qıyndap bara jatyr. Ózimiz de jasóspirim boldyq, keı problemalar sheshilmeıtindeı bolyp kórinip edi. Tipti tyǵyryqtan shyǵatyn jol taba almaı, tula boıyńdy qorqynysh bılegen kezder de boldy. Bizdiń fılm sol kezderdi eske túsirý úshin arnaıy túsirildi", - deıdi rejısser Farhat Sháripov.
Qazir rejısser "Ulttyq kınony qoldaý memlekettik ortalyǵy" KEAQ tapsyrysy boıynsha "Hardkor" atty jańa fılm túsirýde. Bul fılmde nashaqorlyq taqyryby qozǵalady.
"Adyrna" ulttyq portaly.
