Rejisser Farhat Şärıpovtıŋ "18 kilogers" filmı XVII Qazan halyqaralyq mūsylman kinofestivalınde Gran-pri jeŋıp aldy dep habarlaidy "Adyrna" ūlttyq portaly.
Sondai -aq film üzdık operatorlyq jūmys üşın berıletın marapatqa da ie boldy (Aleksandr Plotnikov).
"18 kilogers" – 90-jyldardyŋ soŋyndaǧy jasöspırımderdıŋ ömırınen syr şertetın film. Zara Esenamannyŋ "Hardkor" romany boiynşa tüsırılgen film Qazaqstanda 2021 jyly aqpanda şyqqan bolatyn."18 kilogers – eresekter estımeitın dybys jiılıgı. Film jasöspırımder problemalaryna arnalǧan. Eseie kele jyl saiyn jas buynnyŋ qiyndyqtaryn tüsınu qiyndap bara jatyr. Özımız de jasöspırım boldyq, kei problemalar şeşılmeitındei bolyp körınıp edı. Tıptı tyǧyryqtan şyǧatyn jol taba almai, tūla boiyŋdy qorqynyş bilegen kezder de boldy. Bızdıŋ film sol kezderdı eske tüsıru üşın arnaiy tüsırıldı", - deidı rejisser Farhat Şärıpov. Qazır rejisser "Ūlttyq kinony qoldau memlekettık ortalyǧy" KEAQ tapsyrysy boiynşa "Hardkor" atty jaŋa film tüsırude. Būl filmde naşaqorlyq taqyryby qozǧalady.
"Adyrna" ūlttyq portaly.
