Pavlodarlyq otbasy Aqtaudaǧy şipajailardyŋ bırıne baryp demalyp, belgısız parazit jūqtyrǧan. Terı astyndaǧy jändıkterden ekı ai boiy zardap şekken otbasynyŋ oblysta bügınge deiın qaralmaǧan därıgerlerı qalmapty dep habarlaidy "Adyrna" ūlttyq portaly "31 arnaǧa" sılteme jasap.
Anna Pahomova men onyŋ 13 jasar qyzy tünde ūiqydan aiyrylǧan. Mūnyŋ qandai parazit ekenı anyqtalmai jatyr. Tıptı Ūlttyq saraptama ortalyǧynyŋ eŋ myqty degen mamandarynyŋ özı belgısız jändıktıŋ ne ekenın bıle almai otyr eken.
Eŋ qorqynyştysy, suǧa tüsken uaqytta älgı jändıkterdıŋ ızderı körınedı eken. Tıptı, qanatty jändıkterdıŋ terı syrtyna şyqqan kezı de bolǧan. Anna Pahomovanyŋ sözınşe, denelerınen şyǧatyn jändıktıŋ ne ekendıgı belgısız."Ǧalamtordan qaraǧanymyzda bürgege ūqsas jändık ekendıgın anyqtadyq. Bıraq būl naqty sol ma, sol emes pe beimälım", - deidı ol.
Därıgerlerdıŋ aituynşa, pavlodarlyq otbasy auruhanada bır apta jatqan. Jürgızılgen em-şaralardyŋ arqasynda denedegı jändıkter joiylǧanymen, oryndary älı de bar."Ūlttyq saraptama ortalyǧyna diagnozy jıberıldı. Qorytyndy diagnoz parazittıŋ türı anyqtalmaǧan. Qazırgı naqty jaǧdaida nauqastar üiıne şyǧaryldy. Jaǧdailary qanaǧattanarlyq. Şaǧymdary joq, dene temperaturalary qalypty", - deidı Pavlodar oblystyq infeksiialyq auruhanasynyŋ därıgerı Gülfairuz Nūrseiıt. Aita ketu kerek, mügedek balalardy kütıp otyrǧan bırneşe otbasy Aqtauǧa şipajaiǧa barǧan. Parazitter sol jaqta jūqqan. Üige oralǧan soŋ jalǧyzbasty ana öz denesınde de jändıkterdı körgen. Ol qyzymen bırge künıne bırneşe ret ystyq duş qabyldap, parazitke qarsy ondaǧan em şara jasauǧa mäjbür bolypty.
"Adyrna" ūlttyq portaly.
