Bilıkke Şavkat Mirziiaev kelgelı berı bolyp jatqan özgerıster arqasynda Özbekstannyŋ ekonomikasy erekşe qarqynmen damyp barady, sonyŋ arqasynda ol on jylda Ortalyq Aziiadaǧy köşbasşy – Qazaqstandy basyp ozyp, aimaqtaǧy eŋ quatty elge ainaluy yqtimal. Britandyq Financial Times basylymy osyndai boljam jasaidy dep habarlaidy "Adyrna" ūlttyq portaly "azattyq.org"-ke sılteme jasap.
Gazettıŋ jazuynşa, bes jyl būryn ǧana Özbekstan investisiia qabyldauǧa därmensız edı. Qazır ol "ekonomikalyq ösımımen küllı älem investorlaryn özıne qaratyp otyr". Avtordyŋ jazuynşa, "eldıŋ qarjysyn qūpiia ūstaǧan" avtoritar prezident İslam Karimov 2016 jyly köz jūmǧan soŋ bilıkke kelgen Mirziiaev valiutany liberaldandyryp, "jaŋa reformaǧa jol aşqan".Özbekstan Düniejüzılık banktıŋ biznes jürgızu jeŋıldıgı reitingınde 2015 jyly 141-orynda bolsa, byltyr 69-orynǧa köterılgen. Osy aralyqta memleket salyqty azaityp, biudjet mälımetterın jariialauǧa köştı, körşılermen saudany jandandyrdy, ipoteka nesiesın bere bastady.
Europa qaita qūru jäne damu bankı būl elge jalpy 2,6 mlrd euro investisiia qūiǧan, sonyŋ jartysynan astamy – qazır jürıp jatqan jobalar.2015 jyldan berı tıkelei investisiia kölemı üş ese ūlǧaiyp, 1,7 mlrd dollarǧa jetken, onyŋ köbı jasyl ekonomikaǧa salynyp jatyr. El astanasy – Taşkentte elitalyq üi-jai, qymbat kölık köbeigen, arasynda elektr kölıkterı de bar. Degenmen şeşılmegen mäsele de köp deidı avtor. Sonyŋ bırı – halyqtyŋ kedeilıgı. Eldegı ortaşa ailyq jalaqy – 160 dollar. "Keibır halyqaralyq boljamdarǧa qaraǧanda, halyq sanynyŋ ösuı men ekonomikany ärtaraptandyru arqasynda Özbekstan Qazaqstandy basyp ozyp, on jyl ışınde Ortalyq Aziiadaǧy eŋ ırı ekonomikaǧa ainaluy mümkın. Özbekstan postsovettık elderdıŋ köbın bırıktıretın Täuelsız memleketter dostastyǧynda Reseiden keiıngı ekınşı oryndy aluǧa ūmtylady" — dep jazady Financial Times.
"Adyrna" ūlttyq portaly.
