Búginde sot júıesiniń kásibı termınderin qazaq tiline aýdarýda áli de bolsyn kúrdeli máseleler bar. Ásirese memlekettik tilde júrgizilgen isti keıbir proeske qatysýshy azamattar múlde túsinbeı jatady. Osyndaı jaǵdaı bolmaýy úshin Qaraǵandy oblystyq soty til basqarmasymen birlesip, sot júıesiniń qyzmetkerlerine arnalǵan oqýlyq shyǵardy dep habarlaıdy "Adyrna" ulttyq portaly "Habar 24-ke" silteme jasap.
120 akademııalyq saǵattan turatyn kitapta sot júıesiniń kásibı termınderi barynsha túsinikti etip aýdarylǵan. Aldaǵy ýaqytta sýdıalar osy ádisteme boıynsha bilimin jetildiredi. Keıin oqýdy qanshalyqty ıgergenin bilý úshin emtıhan tapsyrady.
Atap ótken jón, kásibı salaǵa beıimdelgen tuńǵysh oqýlyq ózge de oblystyń sot qyzmetkerleri men tilder basqarmalaryna jiberiledi.
– Bul kitaptyń maqsaty – sot salasyndaǵy qymetkerlerdiń qarapaıym deńgeıde oqyp, tyńdap, jazyp túsiný daǵdylaryn qalyptastyrýǵa negizdeldi. Jalpy bul kitapty jazýda sarapshy sýdıalar bizge kóp kómek kórsetti dese bolady. Jalpy, bul kitapty bastamas buryn 8 aı kóleminde sot salasyndaǵy termınderdi, barlyq is júrgizý aktileriniń úlgilerin qarap, sot otyrysynyń hattamalary, qylmystyq is, azamattyq is júrgizýdi qarap, zerdelep baryp kitap jazýǵa aralastyq, — deıdi tilderdi oqytý ortalyǵynyń ádiskeri Mýnıra Aǵymbaeva.
"Adyrna" ulttyq portaly.
