«Qyrküiektıŋ 15-nen bastap elımızde emhanalarǧa tırkelu nauqany bastalady. Elımızdıŋ ärbır azamaty ekı ai ışınde, iaǧni 15-şı qaraşaǧa deiın tırkelu mümkındıgıne ie bolady», - dep äleumettık medisinalyq saqtandyru qorynyŋ Almaty oblysy boiynşa filialynyŋ direktory N.Otarǧaliev baiandady
«Tırkelu nauqany kezınde medisinalyq-sanitarlyq alǧaşqy kömek ūiymyna tırkelgen azamattar 2022 jyldyŋ 1 qaŋtarynan bastap medisinalyq kömek ala bastaidy. Būl rette medisinalyq ūiym Qormen keler jylǧa arnalǧan tegın medisinalyq kömektıŋ kepıldık berılgen kölemı şeŋberınde (TMKKK) jäne mındettı äleumettık medisinalyq saqtandyru (MÄMS) jüiesınde alǧaşqy medisinalyq-äleumettık kömek qyzmetterın körsetuge şart jasasuy tiıs. Tırkelu nauqanynyŋ qorytyndysy boiynşa medisinalyq ūiymdar keskınınde halyqtyŋ taŋdauyn eskere otyryp, 2022 jylǧa arnalǧan qarjylandyru josparlanady. Ärbır tırkelgen tūrǧyn üşın medisinalyq ūiymdarǧa ai saiyn jan basyna şaqqandaǧy qarjylandyru tölenedı. Sondyqtan, derekqordyŋ kämıl dūrystyǧyna Qor müddelı» - tüsındırdı N.Otarǧaliev.
Tırkeu nauqany densaulyq saqtau nysandarynyŋ derekqorynda tırkelgen jäne tegın medisinalyq kömek pen MÄMS boiynşa medisinalyq qyzmettı körsetetın ūiymdar arasynda ǧana jürgızıletının atap ötemız. Qormen kelısım şarty bar emhanalardyŋ tızımımen www.fms.kzsaitynda «Emhanany taŋdau» bölımınde tanysuǧa bolady.
Osy jyldyŋ 31 jeltoqsanyna deiın azamattar būryn bekıtılgen emhanalarynda medisinalyq qyzmet türlerın aludy jalǧastyrady.
Almaty oblysy boiynşa bügıngı taŋda medisinalyq-sanitarlyq alǧaşqy kömek ūiymdaryna tırkelmegen azamattar qajettı emhanasyn taŋdai alady. Medisinalyq kömekke tolyqtai qol jetkızu üşın tūrǧylyqty jerı boiynşa emhanada nemese ESQ arqyly elektrondyq ükımettıŋ veb-portalynda tırkelu märtebesın tekseru ūsynylady.
Qazırgı taŋda, densaulyq saqtau jüiesı jäne halyq densaulyǧy Kodeksıne säikes, kez-kelgen konsultativtı diagnostikalyq kömekke (beiındı mamandardyŋ keŋesı nemese laboratoriialyq-diagnostikalyq şaralar) qol jetkızu üşın telım därıgerınıŋ joldamasy qajet. Sondyqtan, medisinalyq kömektı josparly türde alu üşın, emhanaǧa tırkelu mäselesı öte maŋyzdy bolyp tabylady.
Aita ketetın jait, bügıngı taŋda Almaty oblysy boiynşa 487 myŋnan astam adam saqtandyru märtebesıne ie bolmaǧan. Alaida, saqandyru märtebesıne qaramastan, barlyq azamattar tegın medisinalyq kömektıŋ kepıldık berılgen kölemıne qūqyly. Bıraq, josparly emdeuge jatqyzu, beiındı mamandardyŋ qabyldauy, qymbat tūratyn tekserulerden ötu jäne joǧary tehnologiialyq em alu üşın MÄMS jüiesınde saqtandyrylǧan boluy qajet. Saqtandyru märtebesın Elektrondyq ükımet portalynda, Qor saitynda jäne Telegram-daǧy SaqtandyryBot arqyly bıluge bolady.
Osyǧan orai, saqtandyrylmaǧan tūrǧyndarymyzdy MÄMS jüiesıne enuıne şaqyramyz.
