Almaty oblysynyŋ Avat auylynda 46 jastaǧy mektep direktorynyŋ asylyp tūrǧan denesı öz üiınıŋ qorasynan tabyldy, dep habarlaidy "Adyrna" ūlttyq portaly.
Qaiǧyly oqiǧaǧa qatysty sotqa deiıngı tergeu jūmystary bastaldy. Bılım ordasyndaǧy kikıljıŋder adam ölımıne äkeluı mümkın degen boljamdar aityldy.
Marqūm Azizjan Daraev 2011 jyldan berı G. Sadvakasov atyndaǧy mektepte jūmys ıstegen. Üş balasy bar. “Ekpress K” basylymy auyl tūrǧyndary mektep direktorynyŋ parasatty adam bolǧanyn aityp ölım sebepterın jıtı tekserudı talap etetınderın mälımdedı.
“Qol astyndaǧy qyzmetkerı men mektep direktorynyŋ arasynda janjal bolǧan. Mektepte qūityrqy äreketterge barǧan üşın pedagog jūmystan şyǧarylǧan. Dese de, älgı qyzmetker sot arqyly qaita oralyp, direktorǧa qoqan-loqqy körsetken. Sottyŋ barlyq instansiialary arqyly şaǧym tüsırgen”, – delıngen jazbada.Aita keteiık, qazırgı taŋda mektep direktorynyŋ ölımıne qatysty qylmystyq ıs qozǧalyp tergeu amaldary jürgızılude. Marqūmnyŋ mūndai äreketke ne sebeptı barǧany anyqtaluda.
"Adyrna" ūlttyq portaly
