«Täuelsızdık ūranym, ana tılım tūmarym» atty baiqau ötedı

Qazaqstan Respublikasy täuelsızdıgınıŋ 30 jyldyǧyna orai, «Nūr-Sūltan qalasynyŋ Jastar saiasaty mäselelerı basqarmasy» MM qoldauymen İnternattan keiıngı jetım balalar men ata-anasynyŋ qamqorlyǧynsyz qalǧan balalardy beiımdeu jäne qoldauǧa arnalǧan ıs-şaralar keşenı» jobasy aiasynda, Halyqaralyq «Qazaq tılı» qoǧamy Nūr-Sūltan qalasy filialynyŋ ūiymdastyruymen, jasöspırımder men jastar arasynda esse jäne öleŋ baiqauy ötedı.   Baiqaudyŋ maqsaty:

• Täuelsız Qazaq elınıŋ ǧalamdyq örkeniet pen mädeniet biıgınde alar ornyn şyǧarmaǧa arqau etu, nasihattau;
• Jas qalamgerler arasynan tyŋ talantttardy anyqtau;
• Qazaqtyŋ ūlttyq ädebietınıŋ ızın jalǧaityn öskeleŋ ūrpaqtyŋ şyǧarmaşylyq önerıne qoldau körsetu;
• Ǧasyrlar boiy babalar armany bolǧan egemendık pen erkındıkke jetken bügıngı jas, täuelsız elımızdıŋ ırgetasyn odan ärı bekemdeu, qazaq tılınıŋ märtebesın asyru bügıngı jas ūrpaqtyŋ qasiettı paryzy ekenın tereŋırek ūǧyndyru.
• El erteŋı sanalatyn jastar men jasöspırımderdıŋ boiynda patriottyq sezımderın oiatyp, beibıtşılık pen berekelı ömırdıŋ mänı men maŋyzyn esse tılınde söiletıp, öleŋ tılınde asqaqtatu.

Qatysuşylarǧa qoiylatyn talaptar: – Baiqauǧa 14 jastan bastap 29 jasqa deiıngı internattan keiıngı jetım balalar men ata-anasynyŋ qamqorlyǧynsyz qalǧan balalar men jastar qatysa alady. – Täuelsızdık taqyrybynda 1 esse nemese 2 öleŋ qabyldanady. (Bırınşı öleŋ – Täuelsız qazaq elın taqyryptyq özek etuı kerek. Ekınşı öleŋ – erkın taqyryp). – Şyǧarma kölemı 3 betten aspau tiıs (Times New Roman, 14 kegl). – Şyǧarmalardyŋ taqyryptyq, ideialyq mazmūny men körkemdık därejesıne basa nazar audarylady. – Jatqa oqu mındettı emes.

• Baiqauǧa ūsynylatyn şyǧarmalar qatysuşy toltyrǧan ötınımmen bırge (№1 qosymşa) 2021 jyldyŋ 15 qyrküiegınen bastap 15 qazanǧa deiın qushaq.kz@gmail.com elektrondy poştasyna qabyldanady.
• Baiqau qorytyndysy 2021 jyldyŋ 20 qazanynda jariialanady.
• Qabyldanǧan şyǧarmalar qushaq.kz saityna jariialanady.

Baiqaudyŋ jüldegerlerı üşın: I oryn – ekeu (esse jäne öleŋ) II oryn – törteu III oryn – altau  qarastyrylǧan. Sonymen qatar, jüldegerler arnaiy diplomdarmen jäne baǧaly syilyqtarmen marapattalady. Bailanys telefondary: +77472771672 +77016283570