Jaŋa oqu jylynda Şymkenttegı mektepter dästürlı formatta oqidy. Degenmen, negızgı pänderge basymdyq berılıp, qosymşa därıster qysqartylatyn boldy. Būl turaly qalalyq bılım basqarasynyŋ basşysy Janat Täjieva dästürlı tamyz keŋesınde mälımdedı. Eger de bılım oşaǧynan qauıptı virusty jūqtyrǧan jan anyqtalsa, onda ol mekteptıŋ mūǧalımderı jüielı jūmys jasamaǧan dep esepteimın, dep kesıp aitty. Aldaǧy oqu jylynda taǧy da qandai özgerıster boluy mümkın?
Jaŋa oqu jylyndaǧy alqaşqy qoŋyrau keşıne, tek 1 synyp oquşylary qatysatyn boldy. Al, qalǧan şäkıtter tıkelei synyptaryna baryp, därısterın bastaidy. Biyl mektep tabaldyryǧyn alǧaş ret 25 myŋǧa juyq büldırşın attaǧaly otyr eken. Olar Ahmet Baitūrsynovtyŋ nūsqasymen daiyndalǧan älıppe oqulyǧyn qoldaryna alady. Osy oraida, mektep formasy talap etılmeitın bolyp şeşılıptı.
Janat Täjieva – Şymkent qalalyq bılım basqarmasynyŋ basşysy
Ekı jyldan berı märtebelerı bekıtılgen zaŋ aiasynda jūmys jasap kele jatqan pedagogtardyŋ jalaqylary ekı esege ösken. Bılımderın jetıldıruden eşqaşan jalyqpaǧan ūstazdar qauymy zaman talabyna sai tehnikany meŋgerıp, onlain formattyda eŋserdı. Qaşyqtyqtan oquǧa alǧaşynda daiyn bolmaǧandaryn jasarmaǧan bılım basqarmasynyŋ basşysy Janat Täjieva, ärıptesterıne aldaǧy mındetterın şegelep berdı.
Janat Täjieva – Şymkent qalalyq bılım basqarmasynyŋ basşysy
Ötken oqu jylyn tömen körsetkışpen aiaqtaǧan bılım salasynda, pedagogtardan tek bılım sapasyn arttyru ǧana kütıletının qala basşysy qadap aitty. Sondai-aq, oquşylarymyz bılım olimpiadalary men ūlttyq testıleu körsetkışterınen oq boiy ozyq tūruy kerek degen talabynda jetkızdı. «Bügın mektebıne üles qosqan bala, erteŋ elıne üles qosatyn bolady», - dep senımın bıldırdı.
Mūrat Äitenov – Şymkent qalasynyŋ äkımı
Jaŋartylǧan bılım jüiesıne köşken şymkenttık kolledjder biyldan bastap, eŋbek naryǧyna qajettı tehnikalyq mamandar daiarlaudy bastady. Būl baǧytta sala jetekşılerıne tapsyrma bergen qala äkımı qūrylysşy mamandyqtar boiynşa kadrlar daiarlaudy tapsyrǧan-dy.
Mūrat Äitenov – Şymkent qalasynyŋ äkımı
Tılek İsahmetov – İndustrialdy-tehnikalyq kolledjınıŋ direktory
Elımızdegı üşınşı megapoliste üş ausymdy mektepterdıŋ mäselesı bügıngı jiynda da talqylandy. Būiyrtsa, bırer jylda būl problemadan qūtylamyz degen qala basşysy biyldyŋ özınde 32 mekteptıŋ qūrylysy bastalyp, 20 mektep jyl soŋyna deiın ıske qosylatynyn jetkızdı. 16 mekteptıŋ qūrylysyna jeke investorlar tartylypty. Aldaǧy 5 jylda qalada 72 mekteptıŋ qūrylysyn jürgızu josparlanyp, üş auysymdy mektepter mäselesı men mektebı joq şaǧynaudandar men tūrǧyn alaptarda jaŋa mektepter salynatyn bolady. Onlain ötken keŋeske şaqyrtylǧan üzdık ūstazdarǧa jiyn soŋynda Alǧys hattar tabystaldy. 1,5 jyl boiy bırın—bırı saǧynysyp qalǧan mūǧalımder osylaişa märe-säre bolysty.
Säule Qalybekova - №80 mektep liseiınıŋ direktory
Aita keteiık, biylǧy oqu jylynan bastap qaladaǧy bılım oşaqtaryna adam türın oqityn turniketter qoiylyp jatyr. Sondai-aq, bala qauıpsızdıgı üşın «Aşyq» jobasyda engızıldı. Eger de bılım oşaǧynan virusty jūqtyrǧan nauqas anyqtalsa, onda ol mekteptıŋ mūǧalımderı jüielı jūmys jasamaǧan dep esepteimın, dep Janat Täjieva kesıp aitty. Sondai-aq, qalanyŋ bas ūstazy altyn belgıge qatysty ötken jylǧy körsetkış qaitalanbauynda qadap tapsyrdy. Tekserıs barysynda üzdık degen 510 oquşynyŋ būl märtebege 491-ı ǧana laiyq bolyp şyǧyp, ūialtqany bar edı.
G.Asqarqyzy
