Maŋǧystau oblysyndaǧy tas jolda jantürşıgerlık jol apaty boldy. Apat saldarynan bes adam qaza tapty, onyŋ ışınde jüktı äiel de bar , - dep habarlaidy "Adyrna" ūlttyq portaly" oblystyq densaulyq saqtau basqarmasynyŋ baspasöz qyzmetıne sılteme jasap.
- Biylǧy jyldyŋ 16 qyrküiegınde saǧat 01.48-de Lexus LX 470 avtokölıgı audaryldy. Kölık tızgınındegı 27 jastaǧy qyz, oqiǧa ornynda qaza boldy. Qaza bolǧandardyŋ ekınşısı 1966 jyly tuǧan äiel, üşınşısı Jaŋaözen qalasynyŋ 31 jastaǧy tūrǧyny, äiel jüktılıktıŋ 27-şı aptasynda bolǧan. Qalǧandary 1964 jäne 1967 jyldary tuǧan ekı er adam. Jol-kölık oqiǧasy saldarynan barlyǧy toǧyz adam zardap şektı. Bes eresek oqiǧa ornynda qaza boldy. Qalǧan tört bala türlı jaraqattar alǧan, - delıngen habarlamada.Mälımet boiynşa, 2011, 2012 jäne 2019 jyldary tuylǧan üş bala jedel järdem kütpesten Jetıbai audandyq auruhanasyna jetkızıldı. - 2013 jyly tuylǧan balany tünde jedel järdem kütpei maşinamen Maŋǧystau oblystyq köpbeiındı balalar auruhanasyna jatqyzdy. Qazırgı uaqytta bala jansaqtau bölımınde jatyr. Onyŋ jaǧdaiy öte auyr. Midyŋ gemorragiialyq kontuziiasyn, II därejelı mi komasyn, II därejelı travmatikalyq şok aldy. ÖJJ apparatyna qosylǧan,-dep tolyqtyrdy baspasöz qyzmetı. Zardap şekkenderge midyŋ jabyq jaraqaty, midyŋ kontuziiasy, maŋdai men şyntaq buynynyŋ jaraqattanuy, radiustyŋ jabyq synuy, travmatikalyq şok diagnozy qoiyldy. Därıgerler ekı balanyŋ jaǧdaiyn tūraqty auyr, üşınşısı ortaşa auyr ekenın aitty. Densaulyq saqtau basqarmasynyŋ habarlauynşa, bügın sanitarlyq kölıktıŋ kömegımen üş balany oblystyq balalar auruhanasyna auystyrady.
"Adyrna" ūlttyq portaly
