El prezidentı Qasym-Jomart Toqaevtyŋ tapsyrmasy boiynşa otandyq QazVac vaksinasy äzırlendı. Önerkäsıptık öndırıstı ūiymdastyru maqsatynda Premer-ministr Asqar Mamin ötken jyldyŋ 12-şı mausymynda biologiialyq qauıpsızdık mäselelerı ǧylymi-zertteu instituty bazasynda biofarmasevtikalyq zauyttyŋ qūrylysyn bastady.
"Biologiialyq qauıpsızdık problemalary ǦZİ-men qatar Almaty oblysy Qarasai audany Abai auylyndaǧy "Antigen" JŞS bazasyndaǧy vaksinany qūiu boiynşa öndırıstık alaŋdy daiyndau bastaldy. "Antigen" JŞS - de Almaty oblysy äkımdıgınıŋ "Jetısu" ÄKK arqyly jalpy somasy 420 mln.teŋgeden astam lizingke 13 bırlık zamanaui tehnologiialyq jabdyq satyp alyndy", - dep bölıstı Almaty oblysy äkımınıŋ orynbasary Batyrjan Baijūmanov.
Mūndaǧy öndırıs jelısı aseptikalyq öndırıstıŋ barlyq talaptary men sanitarlyq normalaryna säikes keledı.
"İtaliandyq Apparat vaksinany bır minut ışınde 60 qūtyǧa qūiuy mümkın. Är qūtyda 3 doza. Bır aida ol 1 million dozaǧa deiın toltyryluy yqtimal. Qūtyǧa qūiyluǧa deiıngı daiyndyqty aǧymdaǧy jyldyŋ säuır aiynan bastadyq. Al şılde aiynan bastap 300 myŋ doza tögıldı. Būl validasiialyq seriia. Jabdyqty jäne bükıl prosestı tekseruge arnalǧan. Bügıngı künı alynǧan vaksinanyŋ 300 myŋ dozasy biologiialyq qauıpsızdık problemalary ǧylymi-zertteu institutynda jatyr. Zertteuler aiaqtaluǧa jaqyn. "Antigen" JŞS-degı vaksinalar tolyq sättı tekseruden keiın ǧana qoldanylatynyn atap ötken jön", - dedı "Antigen" ŪKP direktory Nūrlan Ahmetsadyqov.
Direktordyŋ aituynşa, barlyq jabdyqtar Europadan, Amerika men Qytaidan äkelıngen. Osylaişa, halyqaralyq sapa standarttary kompaniiaǧa joǧary tehnikalyq deŋgeige, öndırıstıŋ barlyq kezeŋınde sapaǧa qol jetkızuge mümkındık beredı.
"Antigen" ŪKP JŞS biofarmasevtikalyq zauytpen qatar biologiialyq qauıpsızdık mäselelerınıŋ ǧylymi-zertteu instituty bazasynda ekınşı öndırıstık alaŋǧa ainalǧanyn atap ötemız.
Bügıngı künı jobany ıske asyru Qazaqstan Respublikasy Ükımetınıŋ baqylauynda ekenın erekşe atap ötken jön.
