Atyrau oblysynyŋ äkımı Mahambet Dosmūhambetov öŋırdıŋ mūnai-gaz keşenı qyzmetkerelerın sala künımen qūttyqtady.
Saltanatty ıs-şaraǧa «TeŋızŞevrOil» JŞS, NCOC, «Kaspii qūbyr konsorsiumy» AQ, «Atyrau mūnai öŋdeu zauyty» AQ, «Embımūnaigaz» AQ, “GPC-Investment” JŞS, “KPI” JŞS, "Maten Petroleum" AQ, «Sazanqūraq» JŞS syndy kompaniialardyŋ basşylary men ökılderı jäne ardager mūnaişylar qatysty.
Aimaq basşysy Mahambet Dosmūhambetov mūnaidyŋ qara şaŋyraǧy sanalatyn Atyrau öŋırınıŋ mūnai-gaz salasyndaǧy rölıne toqtalyp öttı. «Mūnai men gaz – Atyraudyŋ ǧana emes, tūtas jūrtymyzdyŋ basty bailyǧy, altyn qazynasy. Täuelsız Qazaqstannyŋ quatty elge ainalyp, ekonomikalyq äleuetınıŋ artuynda erekşe maŋyzǧa ie. Mūnai-gaz öndırısı Atyrau üşın baiyrǧy käsıp. Bastauyn Qaraşüŋgılden alatyn «qara altyn» öndırısı ǧasyrdan astam halyq igılıgı üşın qyzmet etude. Mūnai-gaz öndırısı – elımızdıŋ bügıngı äleuetın qamtamasyz etıp, bolaşaq damuyna negız bolyp otyrǧan strategiialyq sala. Būl rette, Atyrau öŋırı maŋyzdy rölge ie ekenı mälım», -dedı.Oblys äkımınıŋ sözınşe, oblys boiynşa mūnai-gaz keşenı salasynda qazır 125 myŋnan astam adam qyzmet etude. Öŋırdegı Teŋız, Qaşaǧan syndy alyp jobalar ıske asyrylyp, sonyŋ arqasynda Qazaqstan eŋ ırı mūnai öndıruşı elderdıŋ bırıne ainalyp, ötken jyly älemde 14 orynǧa şyqqan. Qazır Atyraudyŋ mūnaiy älemnıŋ 19 elıne eksporttaluda. Ol sonymen qatar, Täuelsızdık jyldary Qazaqstannyŋ mūnai-gaz salasyna şamamen 50 trln. tenge investisiia tartylsa, sonyŋ jartysynan astamy iaǧni 28 trln. teŋgesı Atyraudyŋ enşısınde ekenın atap öttı. Tek ötken jyldyŋ özınde ǧana oblysymyzǧa 3 trln. teŋgeden astam investisiia qūiylǧan. Al 1991 jylmen salystyrǧanda oblysta mūnai öndıru 12 esege, gaz öndıru 35 esege ösken. Aimaq basşysy öŋırdegı «TeŋızŞevrOil» JŞS, NCOC sondai-aq «Kaspii qūbyr konsorsiumy» AQ syndy mūnai kompaniialarynyŋ el igılıgı üşın köptegen igı ıster atqaryp jatqanyn airyqşa atap öttı. Olardyŋ öŋırdıŋ äleumettık infrqūrylymyn damytuǧa üles qosyp, olardyŋ demeuşılıgımen oblysta köptegen balabaqşa, mektep, emdeu mekemelerı men halyqqa asa qajettı äleumettık nysandar boi köterude. Pandemiia uaqytynda da olar medisinalyq nysandar salyp, qūral-jabdyqtar men jedel järdem stansasyna avtokölıkter alyp berıp, därı-därmekter arqyly kömektesken. Bügıngı taŋda ekologiialyq baǧyttaǧy jūmystarda qolǧa alyp otyrǧanyn erekşe atap ötken aimaq basşysy kompaniialardyŋ basşylary men ūjymyna da alǧysyn bıldırdı. «Bügınde «qara altyn» men «kögıldır otynnyŋ» öndırısın ūlǧaityp, ūlt qazynasyn molaituǧa sübelı üles qosyp jürgen barşa qyzmetkerlerge, salanyŋ ardagerlerıne airyqşa alǧysymdy aitamyn»,-dedı M.Dosmūhambetov. Is-şarada salada eleulı eŋbek etıp jürgen bır top qyzmetkerler «Mūnai salasynyŋ eŋbek sıŋırgen qyzmetkerı» tösbelgısı, Energetika ministrınıŋ Qūrmet gramotasymen, Ekologiia, geologiia jäne tabiǧi resurstar ministrınıŋ «Jer qoinauyn barlaudyŋ üzdıgı», «Jer qoinauynyŋ qūrmettı barlauşysy» tösbelgılerımen, sondai-aq, Atyrau oblysy äkımınıŋ Alǧys hatymen marapattaldy. Öz kezegınde «QazMūnaiGaz» ŪK» AQ basqaruşy töraǧasy Alik Aidarbaev ärıptesterın töl merekelerımen qūttyqtady. «Otyz jylda mūnai-gaz önerkäsıbı ekonomikanyŋ qozǧauşy küşıne ainaldy. Osy tūrǧyda egemen elımızdı damytuǧa qazaq mūnaiynyŋ qara şaŋyraǧy Atyrau oblysynyŋ mūnaişylarynyŋ qosqan ülesı sübelı»,-dedı A.Aidarbaev. Saltanatty ıs-şarada ardager mūnaişylarǧa da qūrmet körsetılıp, kezdesu soŋy konserttık baǧdarlamaǧa ūlasty.
