Búgin Qapshaǵaı mańynda jarylys bolyp, turǵyndar ábigerge tústi dep habarlaıdy "Adyrna" ulttyq portaly.
Áleýmettik jelilerge turǵyndar vıdeo júktep, bul aýmaqta áskerı bólim bar ekenin jazdy.
Keıin anyqtalǵandaı, Almaty oblysy boıynsha tótenshe jaǵdaılar departamentiniń mamandary bul ken ornyndaǵy josparly jarylys ekenin jetkizdi.
"Bul — qıyrshyq tas óńdeletin karer aýmaǵyndaǵy josparly jarylys. Zardap shekkender joq", - dedi oblystyq tótenshe jaǵdaılar departamentiniń ókili.
Aıta ketý kerek, atalǵan ken orny Qapshaǵaı qalasynyń mańynda ornalasqan. Josparly jarylys júrgiziletini jergilikti turǵyndarǵa aldyn ala aıtylady.
"Adyrna" ulttyq portaly.
