- Qaraǧandy – dene şynyqtyru men sport salasyn damytu jolynda özındık orny bar qala. Biyl küllı älemdı äbıgerge salǧan syndarly kezeŋge qaramastan alǧa qoiǧan bırqatar maŋyzdy mındettı abyroimen oryndadyq. Barşalaryŋyzǧa belgılı Prezidentımız Qasym-Jomart Kemelūly joldauynda būqaralyq sportqa basa nazar audaryp, elımızdegı jastarmen qatar barşa jūrtty sportqa baulu kerektıgın aitqan bolatyn. Atalǧan mäselege bailanysty ıs-saparmen kelgen qonaqtarymyzǧa aldaǧy uaqytta atqarylatyn jūmys josparymyzdy tanystyrdyq - dedı Qaraǧandy oblysy äkımınıŋ orynbasary Abzal Nükenūly.
- Būl Qazaqstan boiynşa eŋ joǧary körsetkış. Oǧan bailanysty aldaǧy uaqytta 8 myŋ balany qamtu josparlanyp otyr. Odan bölek būqaralyq sport pen sporttyq infoqūrylymdy damytu boiynşa 1,5 jyl būryn arnaiy jol kartasy qabyldanǧan bolatyn. Soǧan säikes, bügıngı künı öŋırlerde, äsırese auyldy jerlerde, är aulada, är köşede qoljetımdı sport infoqūrylymyn damytu boiynşa jūmystar atqarylyp jatyr. Jalpy oblys boiynşa türlı deŋgeide jabdyqtalǧan 3 myŋnan astam sport oryndary bar, - deidı A. Nükenūly.
Sonymen qatar oblys äkımınıŋ orynbasary ıs-sapar kezınde Ministrge Qaraǧandy oblysynda salynyp jatqan bırqatar sport keşenderı jaily tarqatyp aitty.
- Bügıngı künı oblys boiynşa sport keşenderı qarqyndy damuda. Qazırdıŋ özınde öŋır kölemınde sauyqtyru keşenderınıŋ sany 20-dan asty. Byltyr Temırtau, Şahtinsk, Abai, Qarqaralyda bırneşe sport obektılerı, sodan keiın osy Qaraǧandyda ülken tennis ortalyǧy aşyldy. Onyŋ barlyǧy bügınde halyq igılıgıne, balalardyŋ igılıgıne jūmys ısteude. Odan bölek 8 sporttyq keşennıŋ qūrylysy jürıp jatyr. Qazırgı kezde Şahtinskıde, Qarsaqbaida, Nūra, Ūlytau audanynda, Botaqara, Jaŋaarqa syndy auyldyq eldı-mekenderde ülken sport keşenderı, bassein men hokkei korty salynuda, - dedı A. Nükenūly.
Odan bölek Abzal Nükenūly barlyq jastaǧy el azamattary arasynda ūlttyq sportty damytuǧa airyqşa nazar audaryp kele jatqanyna toqtaldy.
- Ūlttyq sportqa köp köŋıl bölıp jatyrmyz. Qaraǧandy basynan ülken atşabar ippodromǧa jer bölıngen. Ötkende ǧana sol jerde bäige ötkızdık. Bızdıŋ qauymdastyq qazır ūlttyq sport baǧyty boiynşa küşeiıp jatyr. Kökpardan jıgıtter Qazaqstan deŋgeiınde jaqsy ūiymdasyp, 2 - oryn alyp kelgen bolatyn. Bolaşaqta sol jerde ülken ippodrom salamyz degen oiymyz bar. Aldaǧy uaqytta özımızge jaqyn ūlttyq sport türı - at sportyn damytu boiynşa jūmysty küşeitetın bolamyz. Atqarylatyn jūmys bar. Josparlar köp, - dep tolyqtyrdy oblys äkımınıŋ orynbasary A. Nükenūly.
