- Qaraǵandy – dene shynyqtyrý men sport salasyn damytý jolynda ózindik orny bar qala. Bıyl kúlli álemdi ábigerge salǵan syndarly kezeńge qaramastan alǵa qoıǵan birqatar mańyzdy mindetti abyroımen oryndadyq. Barshalaryńyzǵa belgili Prezıdentimiz Qasym-Jomart Kemeluly joldaýynda buqaralyq sportqa basa nazar aýdaryp, elimizdegi jastarmen qatar barsha jurtty sportqa baýlý kerektigin aıtqan bolatyn. Atalǵan máselege baılanysty is-saparmen kelgen qonaqtarymyzǵa aldaǵy ýaqytta atqarylatyn jumys josparymyzdy tanystyrdyq - dedi Qaraǵandy oblysy ákiminiń orynbasary Abzal Núkenuly.
- Bul Qazaqstan boıynsha eń joǵary kórsetkish. Oǵan baılanysty aldaǵy ýaqytta 8 myń balany qamtý josparlanyp otyr. Odan bólek buqaralyq sport pen sporttyq ınfoqurylymdy damytý boıynsha 1,5 jyl buryn arnaıy jol kartasy qabyldanǵan bolatyn. Soǵan sáıkes, búgingi kúni óńirlerde, ásirese aýyldy jerlerde, ár aýlada, ár kóshede qoljetimdi sport ınfoqurylymyn damytý boıynsha jumystar atqarylyp jatyr. Jalpy oblys boıynsha túrli deńgeıde jabdyqtalǵan 3 myńnan astam sport oryndary bar, - deıdi A. Núkenuly.
Sonymen qatar oblys ákiminiń orynbasary is-sapar kezinde Mınıstrge Qaraǵandy oblysynda salynyp jatqan birqatar sport keshenderi jaıly tarqatyp aıtty.
- Búgingi kúni oblys boıynsha sport keshenderi qarqyndy damýda. Qazirdiń ózinde óńir kóleminde saýyqtyrý keshenderiniń sany 20-dan asty. Byltyr Temirtaý, Shahtınsk, Abaı, Qarqaralyda birneshe sport obektileri, sodan keıin osy Qaraǵandyda úlken tennıs ortalyǵy ashyldy. Onyń barlyǵy búginde halyq ıgiligine, balalardyń ıgiligine jumys isteýde. Odan bólek 8 sporttyq keshenniń qurylysy júrip jatyr. Qazirgi kezde Shahtınskide, Qarsaqbaıda, Nura, Ulytaý aýdanynda, Botaqara, Jańaarqa syndy aýyldyq eldi-mekenderde úlken sport keshenderi, basseın men hokkeı korty salynýda, - dedi A. Núkenuly.
Odan bólek Abzal Núkenuly barlyq jastaǵy el azamattary arasynda ulttyq sportty damytýǵa aıryqsha nazar aýdaryp kele jatqanyna toqtaldy.
- Ulttyq sportqa kóp kóńil bólip jatyrmyz. Qaraǵandy basynan úlken atshabar ıppodromǵa jer bólingen. Ótkende ǵana sol jerde báıge ótkizdik. Bizdiń qaýymdastyq qazir ulttyq sport baǵyty boıynsha kúsheıip jatyr. Kókpardan jigitter Qazaqstan deńgeıinde jaqsy uıymdasyp, 2 - oryn alyp kelgen bolatyn. Bolashaqta sol jerde úlken ıppodrom salamyz degen oıymyz bar. Aldaǵy ýaqytta ózimizge jaqyn ulttyq sport túri - at sportyn damytý boıynsha jumysty kúsheıtetin bolamyz. Atqarylatyn jumys bar. Josparlar kóp, - dep tolyqtyrdy oblys ákiminiń orynbasary A. Núkenuly.
