«Şevron» COVID-19 ındetımen kürestı qoldau aiasynda Qazaqstannyŋ medisinalyq mekemelerıne alty kompiuterlık tomografty tabystady

4372
Adyrna.kz Telegram
https://adyrna.kz/content/uploads/2021/09/53e13cb0-28b7-4d39-b7b9-3899c8005223.jpeg

Qazaqstan Respublikasyna koronavirus pandemiiasymen küresuge gumanitarlyq kömek körsetu boiynşa keŋ auqymdy baǧdarlamasynyŋ aiasynda, «Şevron» kompaniiasy eldıŋ medisinalyq mekemelerıne Aquilion PRIME SP seriialy alty kompiuter tomografyn satyp alyp, tegın tabys ettı.  Bügın A.N. Syzǧanov atyndaǧy Ūlttyq hirurgiia ǧylymi ortalyǧynda osy jabdyqty QR Densaulyq saqtau ministrı Aleksei Soidyŋ qatysuymen osy jabdyqty tabystau räsımı öttı.

Qazaqstan Respublikasy Densaulyq saqtau ministrlıgı belgılegen qajettılıkterge säikes jaŋa jabdyq kelesı medisinalyq mekemelerde ornatylǧan:

Qazaq onkologiia jäne radiologiia ǧylymi zertteu instituty (Almaty),
A.N. Syzǧanov atyndaǧy Ūlttyq hirurgiia ǧylymi ortalyǧy (Almaty),
Qaraǧandy Medisinalyq universite,
«Şymkent Jürek ortalyǧy» AQ,
Jambyl oblystyq köp salaly balalar auruhanasy(Taraz),
Marat Ospanov atyndaǧy Batys Qazaqstan medisinalyq universitetı (Aqtöbe).

Medisinalyq jabdyqty tabys etu räsımınde «Şevron» kompaniiasy Euraziia bölımşesınıŋ bas direktory Djon Balts bylai dedı: «Şevron» korporasiiasynyŋ atynan men osy joǧary tehnologiialyq jabdyqty Qazaqstan auruhanalary men emhanalaryna quanyşpen tabys etemın. Bız Qazaqstan elımen 30 jylǧa juyq uaqyt boiy senımdı jäne tabysty serıktestık qarymqatynastamyz. Osy ülesımız arqyly adamdardy qorǧaudy jalǧastyramyz jäne Qazaqstanyŋ COVID-19 taraluyna qarsy kürestegı qajyrly küş-jıgerın qoldaimyz dep ümıttenemız».

Öz tarapynan densaulyq saqtau ministrı Aleksei Soi: «Şevron» kompaniiasy äleumettık jauapkerşılıgın bırneşe ret körsete bıldı. Sızderge elımızge körsetken gumanitarlyq kömek jäne därı-därmek bergenıŋız üşın alǧys aitqym keledı. Berılgen därılık zattar, JQQ jäne jabdyqtar Qazaqstanda pandemiiamen küresuge jäne aldyn aluǧa uaqytyly kömek körsetedı».

Aquilion PRIME SP - būl Canon Medical Systems kompaniiasy şyǧarǧan köp qiyqty, 80-qatarly detektory bar spiraldık kompiuterlık tomograf. Ainaludyŋ joǧary jyldamdyǧy derekterdı jyldam aluǧa mümkındık beredı, skanerleu uaqytyn azaitady, al jyldam rekonstruksiia jūmys önımdılıgın arttyryp, diagnozdy jyldamyraq qoiuǧa kömektesedı.

Anyqtama üşın:

Soŋǧy 18 aida Densaulyq saqtau ministrlıgı men «Şevron» kompaniiasy elge pandemiia örşıp tūrǧan kezde qajettı därılık zattar men jabdyqty anyqtady. «Şevron» kelesı därılık zattardy jetkızudı ūiymdastyrdy:

14 million dozasy bar 17 därılık zattar,
400,000 jeke qorǧanys qūraldary jiyntyǧyn (JQQ),
15 million qolǧap,
1,5 million şpris.  

Sonymen qatar ICAP Qazaqstan (Kolumbiia universitetınıŋ qoǧamdyq densaulyq saqtau mektebı)jäne QR Qoǧamdyq densaulyq saqtau ortalyǧymen bırge «Şevron» infeksiialyq aurulardyŋ aldyn alu jäne emdeu boiynşa därıgerlerdı jäne medisina mekemelerın daiyndau boiynşa keşendık baǧdarlamasyn bastady.

Pıkırler